أعرب الفنان أحمد عصام، مصمم الألعاب النارية في حفل افتتاح المتحف المصري الكبير، عن فخره بالمشاركة في حفل الافتتاح.

وقال في تصريحات تليفزيونية: "ببارك لمصر والمصريين على الحدث العظيم اللي العالم كله كان منتظره، وكان ليا الشرف إني شاركت في الحدث ده وكانت مسؤولية كبيرة."

وأضاف عصام موضحًا تفاصيل العرض: "اعتمدت في الشو على الحاجات اللي كانوا بيستخدموها المصريين القدماء في الألوان، فبدأت باللون الذهبي، وبعدها الأخضر اللي له علاقة بالزرع والخير والعطاء، وختمت بالأحمر."

كما تحدث عن التعاون الفني داخل الحفل قائلًا: "هشام نزيه عمل مزيكا فظيعة، كان فيها تدرج طبيعي للتاريخ وفيها انسيابية، وكل واحد فينا كان بيعمل كل حاجة بمدلول مقصود ورمز تاريخي، والمنتج محمد السعدي كان مجمع كل الخيوط وبيبعتها لكل قسم لوحده، وكل حاجة كانت مترتبة كأنها جملة واحدة."

واختتم أحمد عصام حديثه قائلًا: "فرحة الناس بالحدث لا تقدر بثمن، ومسؤولية كبيرة أوي المشاركة في حدث زي ده، وكفاية إن قدامك سيادة الرئيس عبد الفتاح السيسي، وكان متابع وفيه تقارير بتروح له."