قالت الفنانة ناني سعد الدين، إنها واجهت صعوبات كبيرة خلال تصوير عدة أعمال فنية في وقت واحد، متابعة: «كنت بنزل من بالم هيلز على كارفور، والعربية تستناني وترجعني، وكنت بعمل مسلسل كلام نسوان، وهنا زهرة وأزواجها الخمسة، وأروح البيت مش قادرة».

وأضافت خلال لقاء مع الإعلامية نهال طايل في برنامج «تفاصيل» على قناة «صدى البلد 2»: «كنت بعمل الليل وآخره، وفي استوديو النحاس حكاية زوج معاصر، وبرجع البيت منهكة، بس ربنا مديني الصحة».

وتابعت: "أنا مش مبسوطة، مفيش حد مقدرني، هما مش ناسيني، هم عارفيني، ولو في دور شبه ناني هيجيبوني، بس مفيش تقدير حتى زوجي تعبان وبقى بين الحياة والموت".

وأكملت: «إزاي واحدة بقالها 30 أو 40 سنة يدّوها مشهد ولازم تيجي تعمل كاستينغ؟ ما هو عارفني وكل اللي بطلبه عاوزة ماكنة خياطة أشتغل عليها بدل ما أموت من الجوع».

كما أكدت الإعلامية نهال طايل أن الفنانة ناني سعد الدين، رغم شهرتها ومجهودها الكبير، طلبت في حياتها شيئًا بسيطًا للغاية:«كل اللي الست دي طالباه من الدنيا ماكينة خياطة».

وتطرقت الإعلامية نهال طايل في برنامج «تفاصيل» المذاع على قناة «صدى البلد 2»، إلى تجربة حدثت معها داخل الجامعة البريطانية، قائلة: «كنت بتكلم مع طلاب الجامعة، وكانوا بيسألوا عن حياتهم ومستقبلهم، كل اللي شاغل الجيل في السن ده، أولى جامعة، ثانية جامعة، ثالثة، رابعة، وأنا حاولت أشرح لهم إزاي يخلقوا لنفسهم فرصة ويخططوا لمستقبلهم».

وقالت إنها حاولت توضيح صعوبة التعامل مع الكاميرا للطلاب، مؤكدة:«بيكون فيه شوية تمثيل قدام الكاميرا، زي ما تيجي تتصور ممكن ما تبقاش مرتاح في الصورة لكن تضحك، لأن لو ما ضحكتش، أدائك وحش والصورة هتطلع وحشة».

وأضافت: «دي حياة الكاميرا، ممكن أمثل جدًا في زعلي وأطلع قدامكم أشتغل حلقتي عادي، أو أمثل هدوء نهال بلا انفعال رغم أي موقف ضايقني».