عبر الفنان محمد إمام عبر حسابه الرسمي على موقع التواصل الاجتماعي لتبادل الصور والفيديوهات الإنستجرام عن امتنانه ومحبة الجمهور والزملاء الذين حرصوا على الاطمئنان عليه بعد حادث حريق استديو مصر.
وكتب عبر حسابه الرسمي على موقع التواصل الاجتماعي لتبادل الصور والفيديوهات الانستجرام: عاوز اقول حاجه من قلبي و حقيقي مش بركب تريند، ولا الحاجات دي .. انا تقريباً كل زمايلي النجوم والنجمات و صناع الفن كلموني يطمنوا عليا بعد موضوع حريقة استوديو الكينج.
وتابع: ده غير مسؤلين كبار في مصر و الدول عربية .. بجد حسيت بحب و فرحه و إمتنان بشكركم جداً على كل الحب و الدعم ده .. يارب دايماً في ضهر بعض و بحبكم كتير جداً
وأضاف: قبل اي حد .. بشكر كل الجمهور اللي بعتلي رسايل او الناس اللي قابلتها و انا بصور في الشارع و حبوا يطمنوا عليا .. انتوا كل حاجه حلوه ربنا يديم المحبة و يحفظ الجميع.
وفي سياق متصل، شارك الفنان محمد إمام جمهوره عبر حسابه الرسمي على موقع التواصل الاجتماعي لتبادل الصور والفيديوهات إنستجرام، مؤكدًا أن حادث حريق كبير وقع في لوكيشن تصوير مسلسل "الكينج" داخل ستوديو مصر، وكتب: "قدر الله وما شاء فعل والحمد لله على كل شيء".
وكتب أمام على موقع التواصل الاجتماعي لتبادل الصور والفيديوهات إنستجرام: حريق كبير في لوكيشن تصوير مسلسل الكينج في ستوديو مصر .. منطقة كاملة معمولة على أعلى مستوى .. إنتاج ضخم من المنتج الكبير عبد الله أبو الفتوح .. وإبداع من مهندس الديكور تامر إسماعیل ومجهود كبير من اشطر المهندسين والعمال.
وتابع: بس ربنا أراد اللي حصل... والحمد لله فوق كل ده إن الإصابات كانت خفيفة وكل فريق العمل بخير ...
وأضاف: شكر كبير لوزارة الداخلية وقوات الدفاع المدني على مجهودهم وسط الحريق الضخم و كميات خشب و مواد سريعة الاشتعال ...
ووجه الشكر للمنتج محمد السيد وفريقه وحوش الإنتاج... اللي دخلوا جوه النار حرفيًا علشان يحاولوا ينقذوا أجهزة ومعدات وملابس .. ناس بتحب شغلها بجد وبتضحي بنفسها عشانه ...
واستكمل: وأخيرًا.. شكر من كل قلبي لكل الناس والنجوم اللي كلموني واطمنوا علي وعلى فريق العمل.. ربنا يديم المحبة ويحفظ الجميع .
واختتم قائلا: اللي حصل اختبار صعب في وقت صعب .. بس ثقتنا في الله كبيرة و إن شاء الله مكملين، دعواتكم لينا ولكل فريق عمل مسلسل الكينج، استنونا في رمضان ٢٠٢٦ إن شاء الله.