عقّب الرئيس عبد الفتاح السيسي -في كلمته بجلسة "محور السياسة الخارجية ومكافحة الإرهاب وبناء المؤسسات"- على كلمة وزير الخارجية سامح شكري قائلا: "إن يبقى فيه قيم ومبادئ في إدارة السياسة ده أمر مستغرب ومستبعد في إطار فهم الناس للسياسة واللي بيعتبروها دائما تتيح وتسمح بالتلون والخداع والمناورة، بس أنا عايز أقول شوفوا تجربة مصر حققت إيه، هل استطاع أحد بكل ما لديه من قدرات أن ياخدنا لسكة ويضرنا؟، هل السياسة اللي اتبعناها ضرتنا؟، هل السياسة دي دفعتنا ثمن لعلاقتنا مع الآخرين زيادة عن اللزوم؟، لو كانت الإجابة بالنفي يبقى احنا استطعنا نعمل المعادلة الصعبة بأننا ندير سياسية اسمها سياسية ولكن بقيم ومبادئ وأخلاق مصرية".

وعن سؤال حول "سد النهضة" وسياسة مصر المتبعة.. قال الرئيس السيسي: "الموضوع بالنسبة لي لا يتجزأ، شوفوا دائما الحوار والنقاش والتواصل مع الآخرين، وزي ما قولت إذا كانت قوى الدولة الشاملة تراجعت فكان لازم نعمل إجراءات لاستعادة قوى الدولة الشاملة بجد، ومن ضمنها القدرة العسكرية، فالقدرة العسكرية المصرية الآن مختلفة تماما وإن كانت من خمس سنين جيدة ولكنها اختلفت تماما الآن، وهي موجودة عشان نحمي بيها بلدنا مش عشان نهاجم بيها حد، مثال على ذلك ليبيا مش تعتبر فناء خلفي لمصر، وأى أحد غير مصر كان هيقوم بعمل عسكري في ليبيا، مصر معملتش كدا، هل ده معناه إننا قصرنا فى حق أمننا القومى لا، إحنا اتعملنا معاه بشكل مختلف وده تقديرينا الآن بتقبله وتوصيتنا في تقبله، ولكن لابد أن أقول إن الأصل في الموضوع هو حجم القدرة والنفوذ التي تستطيع الدولة المصرية أن تحشدها في مواجهة أي مسألة وأي تحدٍ".