رد الرئيس عبد الفتاح السيسي، على سؤال "متي سيكون هناك وزير لشئون المرأة".

أجاب الرئيس السيسي ضاحكا "أنا وزير المرأة".. مضيفا أن الأمر لا يحتاج وزير أو حاجة لإننا منتبهين لهذا الموضوع وحرصين على ذلك.

وأكد الرئيس السيسي "أن عامل الكفاءة فقط هو الذي يحكمنا في اختيار كل العناصر التي يتم اختيارها، وأنا عايز أقول للمصريين اللي بيسمعوني دلوقتي أنا باختار في إطار الظروف المتاحة والقدرة على تقييم المتاح".

واستطرد الرئيس قائلا: " يعني ممكن حد يقولي انت اخترت اللي اخترته، لم يكن كوفئ أوي، وأنا بقوله صادقين في إطار المعلومات المتاحة .. لأن فيه ناس شاطرة كتير في البلد، بلد فيها 100 مليون فيها كل حاجة، ويوجد بها أفاضل الناس، والنجباء في كل التخصصات، بس أنا قلت من 3 سنوات إن القضية الموجودة عندنا معندناش آليات تقييم ما لدينا وتدفع به للدولة من أجل أن يتبوأ أماكنه الحقيقية، لكن احنا قلنا للأكاديمية اللي احنا عملنها، واللي هنعملها قوانين لا تتيح لأحد الدخول إلى القطاع وتولي الوظائف العليا في الدولة إلا إذا كان أخذ هذه الدراسات وهذه الشهادات".

وأشار الرئيس إلى "أن المرأة.. وأرجو أن محدش يزعل مني في كده وأنا مش ها انحاز لها ولكن أنا متجرد في الحكم عليها، وأول من حكمت عليه بتجرد والدتي وده أمر صعب جدا أن يحكم أحد على والدته بتجرد، واحترامي لها وحبي لها، ودعواتي لها بالرحمة نابع من تقييم حقيقي.. فأنا تقييمي للمرأة في مصر في ظل الظروف الاقتصادية الصعبة هي التي تعمل على قد ما تقدر والتي تأكل وتشرب على قد ما تقدر، لكن لا تنسوا إن الكتلة الغالبة في مصر كتلة ليست غنية فيها اللي تروح الشغل وترجع.. تجهز الأكل عشان أولادها".

واستطرد الرئيس السيسي قائلا: " وبالمناسبة أنا عايز أقولكم في النقطة دي.. أنا كنت بساعد أهل بيتي في كل شيء، والرجولة حاجة تانية غير الناس عارفها في مصر، لكن أنا كنت بعمل كده وليا الشرف، كنت لما يكون في عزومة كنت بعد السفرة معاها".

وأضاف الرئيس أن المرأة في مصر الظروف جيه على حسابها، وأنظروا للمرأة في الريف، وشوف في الريف بتعمل أيه، ولما قلنا نعمل لهم مشاريع كانوا أكثر نجاحا من الرجل".. واللي أنا بعمله ده في الدين لأنه طلب منا نترفق بالمرأة، متساءلا الرفق كلام أم سلوك.. لا سلوك، يبقى حد في الشارع يلاقي امرأة ماشية يقد يضايقها، وبغض النظر في أمن ونمسكك ونوديك القسم ونعمل محضر.. يا رجل عيب عليك.. وعيب إنك تقول كلام خادش.

وتابع الرئيس السيسي قائلا: "الأدب والاحترام والخلق الحسن وعدم التجاوز مع المرأة في العمل والشارع والمواصلات وفي أي حتة هي عادات وتقاليد لا بد أن يتم احياؤها أكثر من الأول وتكون عندنا اخلاقيات وقيم في تعاملنا مع المرأة.

ولفت الرئيس السيسي قائلا: " اللي بيمس المرأة بسوء.. فين اخلاقك وانسانيتك وطول بالك وفين دينك لما تعمل كده"، مضيفا "عايزين نبقي مجتمع جميل يحب بعضه ويحترم بعضه وهو أمر مش صعب بس انتوا فكروا فيها كده وحاسبوا نفسكم قبل كل كلمة قبل ما تطلع منكم ستجدوا الأمور بيتم السيطرة عليها.