أجاب الرئيس عبدالفتاح السيسي على السؤال الأخير، وهو "وضعت مصر في عهدكم رؤية لمجتمعنا بحلول عام 2030"، ما هي الضمانات التي تراها من أجل استمرار العمل على تلك الرؤية مهما تعاقب أخرون على منصب الرئيس حتى تتحقق النتائج، وهل ترى إمكانية وضع برامج سلوكية ذات أهداف محددة ومعلنة لتسجيل سلبيات أنماطنا السلوكية التي نراها يوميا في كل مكان وبها نخسر ملامح الهوية المصرية؟.

فقال "أنا شايف إن هناك قلق من أننا لا نستمر في تخطيطنا الموجود، يا إما انتم متشككين في التخطيط أو انتم متشككين في القادم أيا ما كان هو، النهاردة لما نيجي نتكلم على دولة بوزن مصر بمؤسستها التي خططت انتم بتكلموا لحد 2030 يعنى بتتكلموا في 12 سنة، وخايفين ما يتعملش التخطيط في المدة دي تبقي مصيبة كبيرة، التخطيط الموجود دلوقتي حتى 2030 فيه تخطيط ممكن يتحط أفضل منه.

وتابع الرئيس السيسي قائلا:" انتم متصورين إنكم ممكن تعطوا أصواتكم لأى حد، النقطة دي من أهم النقاط للمصريين، تخيروا واختاروا وكونوا حرصين جدا في الاختيار ولا تعطوا أصواتكم إلا لمن يستحق، لو انتم تصورتم إنني أتعامل معكم على أني رئيس غيروا هذه الفكرة، أنا مش رئيس أنا إنسان زيكم قولتوا لي تعالى خلى بالك من مصر ممكن يكون في إنسان مثلي، لكن لازم تختاروا كويس لأنكم هتسلموه مستقبلكم ومستقبل أبنائكم وأحفادكم، أنا اكتر رئيس تكلم مع شعبه في كافة الموضوعات كانت ممكن تقوم بيه مؤسسات أخرى، لكن في نقطة الاختيار هل مصر لا تستحق منك إنك تفكر بجلاء وبوضوح عشان تختار الشخص الصحيح و لا تستحق منك يوم أو يومين تقف فى الشارع تنتخب عشانها، مصر تستحق أكثر من هذا، اللى ها يجى يعمل أى حاجة بناء على اختياركم من البداية".