علقت الفنانة نجلاء بدر على واقعة فتاة الأتوبيس، موضحة سبب دفاع العديد عن الفتاة، كما وصفت المتحرش بالنصاب والنشال.

وكتبت نجلاء بدر، عبر حسابها الرسمي على موقع التواصل الاجتماعي فيسبوك: عارف ليه دفاع الكل عن البنت بالرغم من عدم إثبات الوقعة إللي صعب إثباتها، لأن كتير مننا تعرض لكم هائل من التحرش اللفظي والجسدي والمرئي ومعرفناش نثبته، لأن المتحرش مش بيتحرش تحرش مرئي للكل، لأنه مغتصب وحرامي زي النشال بيسرق بخفة يد.

وتابعت: علشان ماحدش يشوفه ولا يحس بيه ولا تقدر تثبت عليه التهمة، كلمة في الودن كفيلة ببث الرعب في قلوب البنات والنساء، ملامسة الجسد بحركة سريعة أو إحتكاك كفيله بحالة إختراق وتحرش جسدي كامل، إسال مامتك أو أختك أو بنتك وأنت تعرف إللي صعب تفهمه، أو عيش عبيط وماتعرفش إن ناس كتير هتكت عرض بيتك وعايشين حواليك وأهل بيتك للأسف معرفوش يثبتوا عارف بنقول حرامي الأول ليه!.

وأضافت: علشان الناس ترضى تمسكه لأن لو قولنا متحرش ماحدش بيرضى يمسكه وكأنه عادي حصل إيه يعني، زي ما شوفنا بالظبط كده، إبتسامة الولد الباردة المُتبجحة هي بالنسبالنا وريني ها تثبتي إزاي إني اتحرشت بيكي؟.