حرص مدحت عبد الهادي نجم الزمالك السابق، على توضيح حقيقة أزمته الأخيرة، بعد اتهامه بتوجيه السباب للنادي الأهلي وجماهيره.

وكتب عبد الهادي عبر فيس بوك: "أنا طول عمري لا شتام ولا سباب، وعمري ما اتربيت إني أغلط في حد. أنا زملكاوي لحد النخاع وبشجع بيتي بكل حب، الفيديو المتداول ده للأسف متاخد ومجتزأ من سياقه الحقيقي، والكلام كان أصلاً بيني وبين واحد من الجماهير اللي كان بيشتم، وكنت بقول له ماينفعش تقول كده، لكن اتقص جزء من الكلام واتنشر بشكل يوحي بمعنى تاني خالص علشان يعمل فتنة بين الجمهورين."

وأضاف :"أنا مافيش عندي أي داعي أو سبب إني أسيء للأهلي أو لأي جمهور منافس بحترم الأهلي وجمهوره وإدارته وبحترم كل جماهير الأندية المنافسة، لأن دي مش أخلاقنا ولا دي الطريقة اللي المفروض نشجع بيها. الكرة منافسة جوه الملعب بس، إنما بره الملعب الاحترام هو اللي لازم يجمعنا كلنا."