أكد الإعلامي أحمد موسى، الفريق كامل الوزير يعشق العمل الجاد ومنظم إلى أقصى درجة، مردفًا: «كان إمبارح مع الناس في المونوريل، والنهاردة مع أهلنا في الصعيد، هو بيعمل، خلال جولاتنا مع الفريق كامل بيجيب المهندسين بيتكلم معاهم، مفيش نوم ولا راحة».

وأضاف أحمد موسى، خلال تقديم برنامج «على مسئوليتي»، عبر قناة «صدى البلد»، قائلًا : "في ناس مسكوا موسيقى وعاوزين يعزفوا للفريق كامل على الفيديو، أنت بتكلم عن رجال دولة، وهم الأول والأخير خدمة الشعب والبلد، ومتعملش تريند على حساب البلد والخدمة، إحنا حكومة الدكتور مصطفى مدبولي ورجع، الراجل شغال، والحكومة بتشتغل، كل الوزراء بيشتغلوا، وكل واحد حسب قدراته".

وتابع: «رئيس الوزراء كان اليوم في جيبوتي للمشاركة في مراسم تنصيب الرئيس إسماعيل عمر جيله، وكل تحية للأشقائنا في دولة جيبوتي، دولة عربية ولها كل الدعم».

وأردف: «الحكومة شغالة عندنا في كل المجالات، النهاردة عندنا في مصر الرئيس الفرنسي، تعالوا شوفوا كلامواعن مصر عامل إزاي، الرئيس السيسي كان لسه في الإمارات وسلطنة عمان، والنهاردة بيستقبل الرئيس الفرنسي».