كان عبد الحليم حافظ يبلغ من العمر 23 عاما عندما قامت ثورة يوليو 1952 وقد أنهى دراسته في معهد الموسيقى العربية وبدأ يظهر في بعض الحفلات العامة حتى قدمه عميد المسرح يوسف وهبي على مسرح الأزبكية مع كوكبة من الفنانين .. وكانت المفاجأة الكبرى أثناء الحفل أنه تم إعلان الجمهورية في 18 يونيو 1953 فجاء ميلاد عبدالحليم مع مولد الجمهورية في يوم واحد وبدأ المستمعون يعرفون صوته بعد تكرار إذاعة أغاني الحفل في الإذاعة المصرية. 
ارتبط صوت حليم بالثورة وأصبح المعبر عن جيل الشباب، لذلك حرص الرئيس عبد الناصر على وجود عبد الحليم في حفلات ذكرى الثورة كل عام، وكان من الطبيعي أن يغني الأغاني الوطنية في عيدها السنوي .. ومن هنا أصبح للعندليب مجموعة من الأغاني الوطنية الخالدة بداية من عام 1954 ثم بعد الحدث الأبرز والأهم في الخمسينيات عندما قام الرئيس عبد الناصر بتأميم قناة السويس عام 1956 وغنى عبد الحليم أغنية "إحنا الشعب" كلمات صلاح جاهين وألحان كمال الطويل وتقول كلماتها:  
يا فاتح باب الحريه يا ريس يا كبير القلب / إحنا الشعب اخترناك من قلب الشعب / يا حلاوة الشعب وهو   بيهتف باسم حبيبه / مبروك ع الشعب خلاص السعد هيبقى نصيبه / وإحنا اخترناك وهنمشى وراك / يافاتح  باب الحريه يا ريس يا كبير القلب / إحنا الشعب إحنا الشعب.
وشهد عام 1958 تجربة مبكرة للغناء الوطني الجماعي في نشيد  عاش الجيل الصاعد  شارك فيه عبد الحليم بقيادة الموسيقار محمد عبد الوهاب وغناء وردة الجزائرية ونجاة الصغيرة وفايزة أحمد وشادية من كلمات حسين السيد وألحان عبد الوهاب وتقول كلماتها:  
عاش الفن حضارة لأمة يبنيها الفنان / يروي حياتها بغنوة بكلمة بصورة بروح وإيمان / وسمعناه بيقولها قوية مجد بلادي عهد عليا / قلبي وروحي ملك لفني والاتنين لبلادي هدية / حيوا معايا قولو معايا عاش الفن رسالة عاش.
تكررت هذه التجربة في نشيد  الوطن الأكبر  عام 1960، كلمات أحمد شفيق كامل وألحان محمد عبد الوهاب، وتقول كلماته: وطنى حبيبى الوطن الأكبر/ يوم ورا يوم أمجاده بتكبر/ وانتصاراته مالية حياته/ وطنى بيكبر وبيتحرر/ وطنى وطنى/ وطنى يا مالى بحبك قلبى/ وطنى يا وطن الشعب العربي/ ياللى ناديت بالوحدة الكبرى/ بعد ما شفت جمال الثورة/ أنت كبير كبير كبير وأكبر كتير/ من الوجود كله من الخلود كله يا وطنى.
وفي نشيد  صوت الجماهير  عام 1961 شارك عبد الحليم حافظ مع نجاة الصغيرة وشادية وفايدة كامل وفايزة أحمد، وتقول كلمات حسين السيد:
يا شعوبنا الحرة يا عربية كافحي وزيدي ثبات وعناد/ وإن كان فيه للغدر بقية نار الغدر حطبها رماد/ نار بتصحينا.. نار بتقوينا./ مهما اتآمروا علينا.. مبادئنا بتحمينا/ ما بقاش فينا خضوع/ بابتسامات ودموع/ توب الغدر بيفضح نفسه حتى ولو ملفوف بحرير/ خط السير معلوم/ وطريقنا مرسوم/ هو الوحدة والاشتراكية والاتنين هدف الجماهير/ صوت الجماهير صوت الجماهير.
وتتوالى إبداعات عبد الحليم الوطنية، ويغني  يا أهلاً بالمعارك  كلمات صلاح جاهين وألحان كمال الطويل، ويقول فيها: يا أهلاً بالمعارك/ يا بخت مين يشارك/ بنارها نستبارك/ ونطلع منصورين/ ملايين الشعب تدق الكعب/ تقول كلنا جاهزين.. كلنا جاهزين.. كلنا جاهزين/ يا أهلاً بالمعارك.
ولنفس الثلاثي؛ حليم وجاهين والطويل، يغني  بالأحضان ، وتقول كلماتها:
بالأحضان بالأحضان بالأحضان/ بالأحضان يا بلادنا يا حلوة بالأحضان/ بالأحضان يا حبيبتى يا أمى/ يا بلادى يا غنوة فى دمى/ على صدرك أرتاح من همى/ وبأمرك أشعلها نيران/ ياما لفيت سواح متغرب/ وأنا دمى بحبك متشرب/ أبعد عنك قلبى يقرب/ ويرفرف ع النيل عطشان/ بالأحضان بالأحضان بالأحضان.
وتكتمل الثلاثية بأغنية  صورة  لجاهين والطويل أيضًا، والتي تقول:
صورة صورة صورة/ كلنا كده عايزين صورة/ صورة للشعب الفرحان تحت الراية المنصورة/ يا زمان صورنا صورنا يا زمان/ هنقرب من بعض كمان هنقرب من بعض كمان/ واللى هيبعد من الميدان/ واللى هيبعد من الميدان عمره ما هيبان فى الصورة.. خضرة وماية وشمس عفية/ وقبة سما زرقا مصفية/ ونسايم سلم وحرية ومعالم فن ومدنية/ ومداين صاحية الفجرية على أشرف ندهة وأذان/ دى بلدنا مصر العربية/ صورة... صورة.
ويشدو حليم بأغنية جميلة من كلمات مرسي جميل عزيز وألحان كمال الطويل بعنوان  بلد الثوار ، وتقول كلماتها: بلدى يا بلدى والله احلويتى يا بلدى/ بلدى يا بلدى بلد الثوار يا بلدى/ يا ولاد بلدى يا ولاد بلدى/ أنا هاتكلم كده بالبلدى/ بقى بالبلدى إحنا جدعان ثورتنا ثورة جدعان/ جدعان سمر فى عز العمر/ قاسوا وتعبوا وشربوا المر/ لكن قد ما تعبوا كتير حققوا نصر ومجد كبير/ وده كله بعزم وتدبير/ أبو خالد نوارة بلدى/ بلدى يا بلدى.
وواكب عبد الحليم ملحمة بناء السد العالي، وقدم مجموعة من الأغاني الوطنية المرتبطة ببناء ذلك الصرح العظيم، منها أغنية  حكاية شعب ، وفيها المقطع الشهير:  قلنا ح نبني وآدي احنا بنينا السد العالي ، من كلمات أحمد شفيق كامل وألحان كمال الطويل، وتقول كلماتها:
قولنا حانبني وآدي احنا بنينا السد العالي/ يا استعمار بنيناه بإيدينا السد العالي/ من أموالنا بإيد عمالنا، من أموالنا بإيد عمالنا/ هي الكلمة وآدي احنا بانينا/ قولنا حانبني وآدي احنا بنينا السد العالي/ يا استعمار بنيناه بإيدينا السد العالي/ إخواني.. تسمحوا لي بكلمة/ الحكاية مش حكاية السد، حكاية الكفاح اللي ورا السد/ حكايتنا إحنا حكاية شعب للزحف المقدس قام وثار/ شعب زاحف خطوته تولع شرار/ شعب كافح وانكتب له الانتصار.
ولأن عبد الحليم كان مع وطنه الغالي على الحلوة والمرة، فإنه انفعل مثل كل مصري أصيل بما أصاب وطنه من نكسة وهزيمة قاسية في حرب 1967، وقدم مجموعة من الأغاني لا تقل جمالاً وإبداعًا عن أغاني الاحتفاء بالثورة وبناء السد العالي، منها الأغنية الشهيرة  عدى النهار  كلمات عبد الرحمن الأبنودي وألحان بليغ حمدي، وتقول كلماتها: عدّى النهار والمغربية جاية/ تتخفّى ورا ضهر الشجر/ وعشان نتوه فى السكة/ شالت من ليالينا القمر/ وبلدنا ع الترعة بتغسل شعرها/ جانا نهار مقدرش يدفع مهرها/ يا هل ترى الليل الحزين/ أبو النجوم الدبلانين/ أبو الغناوى المجروحين/ يقدر ينسيها الصباح/ أبو شمس بترش الحنين/ أبداً بلدنا ليل نهار/ بتحب موّال النهار/ لما يعدّى فى الدروب/ وبغنى قدّام كل دار.
وكتب الأبنودي لحليم أغنية أخرى تقول كلماتها: أبنك يقولك يا بطل هاتلى نهار/ أبنك يقولك يا بطل هاتلى انتصار/ ابنك يقول أنا حواليا الميت مليون العربية/ ابنك يقولك ثورتك عارفة الطريق/ وعارفة مين يا با العدو ومين الصديق/ ثابتة كما الجبل للعدو حالفة عالانتصار/ ابنك يقولك يا بطل هاتلى نهار/ ابنك يقولك يا بطل هاتلى انتصار.
ويدخل إلى عالم شعراء الأغنية جيل جديد، ويكتب الشاعر الشاب محمد حمزة عام 1967 أغنية بعنوان  فدائي ، قام بتلحينها بليغ حمدي، تقول كلماتها: فدائي فدائي فدائي/ أهدى العروبة دمائي/ وأموت أعيش ما يهمنيش وكفاية أشوف علم العروبة باقي/ فدائي فدائي/ وسط المخاطر هناك مكاني والنصر عمره ما كان أماني/ جوه المواقع بين المدافع وسط القنابل أنسف أقاتل/ وأموت أعيش ما يهمنيش/ وكفاية أشوف علم العروبة باقي/ فدائي فدائي.
وكذلك قدم حليم أشهر أغاني 67 الوطنية، والتي كان يفتتح بها حفلاته في الفترة ما بعد النكسة حتى حرب أكتوبر 1973، وهي أغنية  أحلف بسماها وبترابها ، كلمات عبد الرحمن الأبنودي وألحان كمال الطويل، وتقول كلماتها: أحلف بسماها وبترابها/ أحلف بدروبها وأبوابها/ أحلف بالقمح وبالمصنع/ أحلف بالمدنة وبالمدفع/ بولادى بأيامى الجاية/ ما تغيب الشمس العربية/ طول ما أنا عايش فوق الدنيا.
ومن أجمل الأغاني الوطنية القصيرة بعد النكسة أغنية كتبها أحمد شفيق كامل ولحنها كمال الطويل، تقول كلماتها: خلّى السلاح صاحى صاحى صاحى/ لو نامت الدنيا صحيت مع سلاحى/ سلاحى فى إيديا نهار وليل صاحى/ ينادى يا ثوار عدونا غدار/ خلّى السلاح السلاح صاحى صاحى صاحى.
ويغني حليم لشاعر شاب جديد هو محسن الخياط أغنية  سكت الكلام والبندقية اتكلمت ، ولحنها بليغ حمدي، تقول كلماتها: بكل حبى للحياة وبلدى/ وبكل بسمة فوق شفايف ولدى/ وبكل شوقى للفجر وشروقى/ وبكل نبض الثورة فى عروقى/ جيت لك وأنا ضامم جراح الأمس/ حالف لأرجع لك عيون الشمس يا بلدى/ سكت الكلام والبندقية اتكلمت/ والنار وطلقات البارود/ شدت على إيدين الجنود واتبسمت/ إحنا جنودك يا بلدنا وحبنا/ ماشيين على طول الطريق اللى رسمناه كلنا... يا بلدى.
ولم يتوقف عبد الحليم عن تقديم الأغاني الوطنية بعد رحيل جمال عبد الناصر عام 1970، وظل وفيًا للوطن ولجيش الوطن، وكانت سعادته الكبرى بعبور قواتنا للقناة، وغنى إحدى أشهر أغانيه في تلك المرحلة، وكانت بعنوان  صباح الخير يا سينا ، التي كتب كلماتها عبد الرحمن الأبنودي وقام بتلحينها كمال الطويل، وتقول كلماتها:
صباح الخير يا سينا/ رسيتي فى مراسينا/ تعالى فى حضننا الدافي/ ضمينا وبوسينا يا سينا/ مين اللى قال كنتى بعيدة عني/ إنتِ اللى ساكنة فى سواد النني/ مش سهل ع الشبان/ يسهوا عن الأوطان/ وصباح الخير يا سينا/ رسيتي فى مراسينا/ تعالى فى حضننا الدافي/ ضمينا وخدينا يا سينا.
وتتوالى أغاني حليم بعد نصر أكتوبر المجيد، ويقدم أغنية  عاش اللي قال ، كلمات محمد حمزة وتلحين بليغ حمدي، وهي تحية لقائد حرب أكتوبر الرئيس الراحل أنور السادات، تقول كلماتها: عاش اللي قال الكلمة بحكمة في الوقت المناسب/ عاش اللي قال لازم نرجع أرضنا من كل غاصب/ عاشوا العرب اللي في ليلة أصبحوا ملايين تحارب/ عاش اللي قال للرجال عدوا القنال/ عاش اللي حول صبرنا حرب ونضال/ عاش اللي قال يا مصرنا مفيش محال/ عاش ليكي ابنك عاش، عاش، عاش/ عاش اللي حبك عاش، عاش، عاش/ رد اعتبارك خلى نهارك أحلى نهار، أحلى نهار.
ويكتب عبد الرحيم منصور لحليم أغنية بديعة بعد نصر أكتوبر، ولحنها بليغ حمدي، يقول فيها:
قومى إليكى السلام يا أرض أجدادي/ عليكى منا السلام يا مصر يا بلادي/ مصر مصر قومتى يا مصر بعد النصر وبعد الليل جاى النصر/ قومتى يا مصر قومتى يا مصر/ وعدى ولدك ورفع علمك/ جابلك فرحك طيب جرحك/ قومى إليكى السلام يا أرض أجدادي/ عليكى منا السلام يا مصر يا بلادي.
ومن أجمل أغاني أفراح نصر أكتوبر 73 يشدو عبد الحليم، من كلمات محسن الخياط وألحان محمد الموجي، تقول كلماتها: لفى البلاد يا صبية/ لفى البلاد/ لفى البلاد يا صبية بلد بلد/ باركى الولاد يا صبية/ باركى الولاد/ باركى الولاد يا صبية/ ولد ولد/ ده المهر غالى المهر غالى وأهوُم جابوه/ لو نجم عالى فى السما راح يقصدوه/ يا فرحتك ساعة ما ييجوا يقدموه/ وبغنوا للفجر اللى فى عنيكى اتولد/ ده النصر مهرك النصر مهرك والعريس ابن البلد.
هكذا غنى عبد الحليم حافظ لمصر كما لم يغنِّ مطرب آخر في عصره أو في غير عصره.