علق الفنان أحمد أمين على الجدل الدائر خلال الأيام الأخيرة بشأن حق الأداء العلني، في ظل الخلاف القائم بين غرفة صناعة السينما والنقابات الفنية حول تفعيل القانون المنظم لهذا الحق.

وكتب أحمد أمين عبر حسابه الرسمي على موقع "فيسبوك": "كلام كتير بيدور عن حق الأداء العلني اليومين دول ومصدعينكم أنا عارف.. ناس كتير هتقول وإحنا مالنا، فحبيت أحكيلكم الموضوع ببساطة".

وأضاف: "أي أغنية قديمة بتسمعها أو فيلم أو عمل فني بيتعرض، بيبقى فيه صناع كتير علاقتهم بالعمل ده عمرها ما بتخلص.. هما ابتكروه من سنين وده شغلهم وفكرهم. السؤال بقى: هل ينفع إن العمل يعيش ويفضل يأثر على سمعة الفنان ويسعد ناس أكتر من غير ما يكون للصانع ده حق إنه ياخد ولو عائد بسيط من إعادة عرض الأعمال دي؟".

وأوضح أن هذا الحق يُعرف باسم "حق الأداء العلني"، مشيرا إلى أنه منصوص عليه في قانون حماية الملكية الفكرية الصادر عام 2002، ومطبق في العديد من دول العالم. وأضاف: "فكرته مفعلة جدا على يوتيوب مثلا، وبيفضل صانع المحتوى يكسب عائد من كل المشاهدات طول ما فيه ناس بتتفرج، وكمان بيحميه من إعادة نشر شغله في أماكن أخرى بدون حق".

واختتم أحمد أمين منشوره قائلا: "فيه فنانين انتهت حياتهم بظروف صعبة رغم إن عندهم رصيدا ضخما من الأعمال اللي لسه بتتعرض لغاية النهارده. أنا مع تفعيل قانون حق الأداء العلني، وعمر حماية حقوق المبدعين ما هتكون ضد الاستثمار أو المنتجين وأصحاب الأعمال، بالعكس إحنا كلنا في مركب واحدة وهدفنا صناعة أقوى تسعد الجمهور كل يوم".