كشفت الفنانة ياسمين صبري عن جانب من شخصيتها وحياتها الخاصة، وتحدثت عن رؤيتها لفكرة «البراند» الذي تمثله، موضحة أن الصورة التي أصبحت عليها اليوم لم تتشكل بالصدفة، وإنما جاءت نتيجة سنوات من الاختيارات والتصرفات التي حرصت على أن تكون محسوبة.

وقالت ياسمين صبري، خلال لقائها مع الإعلامية لميس الحديدي في بودكاست «موعد مع لميس»، ردًا على سؤالها بشأن تصريح سابق لها بأنها «البراند»: «فاكرة لما قلتِ لي هما ليه بيختاروكي؟ قلت لك أنا شبههم، أنا كمان براند، هو بياخد براند، بياخد براند أنا شغالة عليه من سنين. بياخد واحدة راعت اختياراتها وتصرفاتها، الموضوع مش عشوائي أبدًا».

ياسمين صبري: معنديش شلة وأقرب صاحبتين ليا من إسكندريةوأوضحت ياسمين صبري أن اهتمامها بصورتها العامة لا يعني أنها تعيش في عزلة أو تبتعد عن الحياة الاجتماعية، لكنها بطبيعتها لا تميل إلى كثرة الخروج أو تكوين دوائر اجتماعية كبيرة.

وقالت: «لأ هو الخروج عادي، بس أنا كده كده مابخرجش كتير، ماليش شلل وأصحاب كتير، فتعودت على كده».

وأضافت: «لأن أنا كنت بنت بلعب سباحة كتير أوي، خلصت السباحة دخلت في حياة الشغل، مكونتش الشلل. عندي صاحبات طبعًا، عندي صاحبتين أساسيين، زينب ولبنى، الاتنين من إسكندرية، وفي صاحبات زي شام وكده، بس معنديش شلة، اللي هو يلا يا جماعة عشان هنطلع الساحل.. معنديش ده».
ياسمين صبري: أفضفض لأصحاب العلم فقط
وعن الأشخاص الذين تلجأ إليهم عندما تشعر بالضيق أو تحتاج إلى الحديث، أكدت ياسمين صبري أنها لا تفتح قلبها لأي شخص، وتختار بعناية من تستشيرهم، قائلة: «لناس أصحاب علم، أومال أفضفض لأي حد كده؟».
«الراجل ده محتاج يتعالج».. ياسمين صبري عن كسر القلب
وتطرقت ياسمين صبري خلال اللقاء إلى فكرة التعرض لكسر القلب، وردًا على سؤال لميس الحديدي حول ما إذا كان هناك رجل تسبب لها في ألم عاطفي، قالت: «إيه؟ الراجل ده يبقى محتاج يتعالج لو عمل كده، لكن ميقدرش يكسر قلب ياسمين طبعًا».

وأضافت: «لأ أنا بس طيبة يعني.. مفيش حد كسر قلبي بفضل الله والحمد لله».

وعن إمكانية أن تكون هي تسببت في كسر قلب أحد من قبل، أجابت ياسمين صبري: «لأ أبدًا».