أكد الإعلامي الدكتور عمرو الليثي، خلال برنامجه «إنسان تاني»، أن التعامل مع بعض الأشخاص يتطلب وضع حدود واضحة وعدم السماح لهم بتجاوزها، مشيرًا إلى أن الهدوء والتعامل الطيب قد يُفسران أحيانًا بشكل خاطئ.

وقال عمرو الليثي عبر حساباته الرسمية على مواقع التواصل الاجتماعي: «لو سكتّ لهم هيفتكروا إن ده ضعف، والتعاون معاهم بيقلل من هيبتك، وهدوءك للأسف بيتحسب عندهم سذاجة».

وأضاف: «المؤدب بالنسبة لهم ضعيف، عشان كده العين الحمرا في الغالب بتجيب نتيجة معاهم. احترامك مش متاح بالمجان، وقربك له تمن».

وتابع: «أنا مش بقولك دوس على الناس، لكن خليك متزن وواضح وواقف على أرض صلبة. لأن الطيبة لو ما كانتش مسنودة بقوة، صاحبها هيتفرم وهيواجه تحديات ومصاعب كتير».

واختتم الليثي حديثه قائلًا: «خليك محترم، بس ما تسمحش لحد يقلل منك. واصبر على اللي يستاهل بس، لأن فيه ناس ما بتمشيش عدل إلا لما تحس إن اللي قدامها له مقام لا يُستهان به».

ويأتي برنامج «إنسان تاني» في إطار تقديم محتوى إنساني واجتماعي، يتناول قصصًا وتجارب مختلفة، إلى جانب نماذج لأشخاص واجهوا تحديات وتمكنوا من بدء حياة جديدة.