كشفت الفنانة عفاف مصطفى عن مرورها بحالة من الاكتئاب، بعد خسارتها المشاركة في عملين فنيين، وذلك من خلال منشور عبر حسابها الرسمي على موقع التواصل الاجتماعي الفيسبوك.

عفاف مصطفى تكشف تفاصيل خسارة عملين فنيين

وعلقت عفاف مصطفى قائلة: «من إمبارح مكتئبة، وربنا أعلم، اعتذرت عن مسلسل لأنه هيتعارض مع أيام تصويري في مسلسل آخر، أتفاجأ بيهم بيقولولي مفيش نصيب في المسلسل اللي اتمسكت بيه، وراحوا المسلسلين، العوض عند الله».

عفاف مصطفى ترد على فيديو مدحت تيخا

وفي سياق آخر، حرصت الفنانة عفاف مصطفى على الرد على مقطع فيديو نشره الفنان مدحت تيخا تحت عنوان «حق الرد»، وذلك بعد أزمته مع المنتج عوض ماهر، من خلال منشور عبر حسابها الرسمي على موقع التواصل الاجتماعي «فيسبوك».

وقالت عفاف مصطفى: «عامل فيديو بتقول حق الرد، بتستغل عطف الناس بالسهوكة وتعيط لهم وداخلهم من سكة الكلام الديني اللي بتستخبى وراه، وكمان تقول الأستاذ المنتج شتمك لما طالبته بحقك؟ أنهي عقل هايصدقك، الناس عندها وعي وعقل بيحكم ويقيم المواقف.

بتسجن الراجل المحترم اللي فضله عليك وتكسر الأيادي البيضاء الكريمة اللي اتمدت لك طول الوقت، وليك سابقتين في منتج محترم غير ده، ودخلت عنده على صفحته وهددته بقضايا عشان برضه دفعة أخيرة لسه ما حصلتش عليها.

الناس دي ساعدتك ودعمتك وفتحت لك باب رزق بتمناه زملاؤك كتير مش عارفين يشتغلوا ولا يحصلوا ولو مشهد واحد من الفرص اللي حصلت عليها، وبأجور كبيرة لا يحلم بها أحد، وكنت بتاخد حقوقك المادية على داير مليم.

وعشان دفعة أخيرة لسه ما حصلتش عليها تسجن الراجل، ولا الناس اللي مش فاهمة الموضوع وعندهم عذرهم داخلة عندك تشتم في الراجل المحترم وفيا، وأنت منشكح ومبسوط عشان عمرك ما شفت الريتش ده في حياتك، فمتكيّف من تطاول الناس علينا.

الناس طيبة مش عارفاك على حقيقتك، وصعبت عليهم بحركاتك وتمثيل البراءة والورع والدين والظلم، فدخلت تواسيك وتشد على يدك وهي مش ملمة بالقصة ولا تعلم ظلمك وسجنك للراجل الفاضل، غور يا عديم الإنسانية والرحمة والضمير».