نشرت الفنانة راندا البحيرى صورة للفنان سامح حسين عبر صفحتها الشخصية على موقع التواصل الإجتماعى " فيسبوك"وذلك بعد تعرضه لإصابة.

وعلقت البحيري على الصورة: "الف سلامة انا مش عارفة بجد اقول ايه ولا ايه. النهارده يوم صعب جد جدا, سامح. النجم المحترم الخلوق المتواضع. من كتر ما بيحب شغله و بيتعب نفسه. و اكتر واحد ملتزم و بييجي قبل مواعيده و بيساعد الناس كلها في كل حاجة في التصوير. جه علي نفسه و عمل مشهد صعب ووقع علي الأرض ووشه اتفتح و خد غرز في وشه. و اللي يعرف سامح هيفهم ان اعصابه متستحملش حاجه زي كده".

وتابعت: "بالرغم من كده كان عايز يكمل تصوير اليوم بعد ما مشي من المستشفي. بس طبعا منفعش. انا مكنتش هكتب عن الموضوع ده اي حاجه احتراما لخصوصية سامح و يمكن يكون هو مش عايز حد يعرف. لحد ما الشركة المنتجة اعلنت الموضوع. لكن انا من الصبح قلبي واجعني علي اللي حصل خصوصا انه بعد ما مشي من المستشفي اغمى عليه. ربنا معاك و تقوم بالسلامه يا غالي".