تعالي نحسبها مع بعض بالورقة والقلم زيادة أسعار منتجات الطاقة والكهرباء هتأثر علينا إزاي أولا في3 شرائح معفاه من الزيادة في أسعار الكهرباء وبالتالي الزيادة في أسعار الكهرباء هتستهدف اللي استهلاكهم كبير ومش هتأثر بشكل كبير علي اللي إستهلاكهم محدودة من الكهرباء.

بالنسبة للمنتجات البترولية والبنزين فزيادة الأسعار هتبقي علي الكل ومش بنسبة كبيرة وتعالي نحسبها مع بعض، متوسط زيادة أسعار المواصلات لن يتجاوز 25% كحد أدقصي يعني التحرك داخل القاهرة مش هتوصل الزيادة في الأجرة لـ2جنية للفرد في اليوم ودا معناة إن لو الأسرة فيها فردين عاملين بيستخدموا مواصلات للذهاب إلي عملهم فالتكلفة الإضافية هتبقي 40 جنية للفرد بعد خصم الأجازات.

بالإضافة إلي زيادة بسيطة في أسعار الخضار والفاكهة ومنتجات الألبان اللي بتيجي من الأرياف كل يوم للمدن بس خلي بالك الزيادة هتبقي قليلة جداً لإن ارتفاع اسعار السولار مش هيأثر كتير علي تكاليف النقل وبالتالي أي زيادة مبالغ فيها بتبقي جشع من التجار ولازم نواجهه بحزم.