احنا لسه مش هنعالج، العلاج ابتدي فعلا والدولة أخدت مجموعة من الإجراءات التعويضية اللي بتخفف من أثلر ارتفاع أسعار منتجات الطاقة ، اول الإجراءات دي تقديم علاوة اجتماعية لفئتين هما المخاطبين بقانون الخدمة المدنية اللي هيستفادوا من علاوة دورية 7% وعلاوة استثنائية لمواجهة الغلاء 7% بحد أدني 65جنية، أما غير المخاطبين بقانون الخدمة المدنية فهيستفادوا من علاوتين أحدهما دورية 10% والتانية استثنائية 10% لمواجهة الغلاء بحد أدني 65% جنية شهريا، عارف دا معناه ايه إن لو الأسرة فيها فردين عاملين كل واحد هيزيد حوالي 150 جنية علي الاقل يعني 300 جنية للفردين.

مش بس كدا دعم السلع التموينية اللي كان 15 جنية من سنتين وزاد لـ 18 جنية وبعد كدا هتبقي زاد تاني 21 جنية هيزيد تقريبا بنسبة 150% يعني هيبقي 50 جنية للفرد يعني الأسرة اللي فيها الأب والأم وطفلين هيستفيدوا من 200 جنية شهريا سلع تموينية بالإضافة لـ300 جنية الزيادة علي المرتبات يعني كل أسرة هتزيد 500 جنية شهرياً ودا 3 أضعاف اللي هيتحملوه نتيجة زيادة أسعار منتجات الطاقة دا غير المعاشات وبرنامج تكافل وكرامة، بس خلي بالك هنا اللي هيستفيد من الزيادة دي هما فعلا مستحقي الدعم وبكدا نبقي ضربنا عصفويرن بحجر، قدرنا من ناحية نخفض دعم الطاقة اللي بيهدر علي غير مستحقي الدعم، وقدرنا نساعد محدودي الدخل.