كشف الفنان تامر حسني لجمهوره عبر حسابه بموقع التواصل الاجتماعي "فيسبوك" سبب غياب طرح ألبومه الجديد.

وقال تامر في تدوينة لجمهوره: " نهاركم جميل إن شاء الله، سألتوا كتير عن ألبومي الجديد، وقولتلكم إن غيابي ده عشان أعمل أفكار جديدة تليق بجمهور عظيم زيكم وتليق بمشواري وبمكانتي كمطرب مصري عربي".

وأضاف تامر: "الألبوم ده أخد مجهود كبير من سنتين لحد النهاردة وأنا كل يوم بشتغل على تطويره واصداره بشكل مش تقليدي وخارج الصندوق المعتاد".

وتابع: "الألبوم ده أنا بعتبره محطة جديدة ليا في حياتي من حيث الفكر والموسيقى والجودة، وأنتوا أكيد هتلاحظوا ده الفترة الجاية".

واستكمل: "المهم الحمد لله بدأ خلاص العد التنازلي لإصدار الألبوم، وكل يوم هيكون في جديد بتعرفوه لحد ما يطلع للنو.. ان شاء الله البومي القادم اسمه (عيش بشوقك ) كلمات مصطفى حسن، والحان بلال سرور، وتوزيع بلال سرور وهاني محروس هي اغنيه مبهجه غير تقليدية تمامًا وفيها حالة يمكن بتمس معظمنا".

واختتم حديثه قائلاً: " الأغنية من إخراج المخرج الكبير هادي الباجوري، وبكرة إن شاء الله هينزل أول ميكينج أوف لأغنية تانية من ألبومي اسمها وأنت معايا اللي بتجمعني بأستاذي النجم الجزائري الكبير الشاب خالد وهتشوفوا كواليس الأغنية وكل مراحلها الكليب للمخرج اللبناني الكبير سعيد الماروق".