ياللى بدأت حياتى و انا جزء منك .
 مهما استغنى عمرى ما استغنى عنك.
 ده انتى اللى بدعى ربنا منك ما يحرمنى .
و على طاعة رضاكى بقول يارب قدرنى.
 رنة صوتك ف ودنى نعمة و فضل كبير .
 و مطمنش الا اما اشوفك تملى بخير .
 ياللى حضنك دفا يكسر برد وجع الحياة 
 و ابتسامتك شفا تداوى جوايا اى اه . 
يا أمى انتى نورى ف عتمة الايام .
و مستحيل اوصف مكانتك مهما كتبت فيكى كلام .
 ياما بتضحى و تقولى ولادى منى اولى .
 و فى كل مرة تثبتى اننا عندك الاغلى  .
لو يوم تعبتى بحس بوجعك ده جوايا
 ما انا معنديش اغلى منك فى دنيايا .
 مهما زاد نجاحى فالسر هو رضاكى .
 و لما بعدى اى هم بيكون بسبب دعاكى .
 ده انتى اللى نبينا اكتر من مرة يوصينا عليكى .
 و من عظمتك ربنا خلى الجنة تحت رجليكى .
 يا امى انتى نورى ف عتمة الايام .
و مستحيل اوصف مكانتك مهما كتبت فيكى كلام .