نشر النجم تامر حسنى عبر حسابه الرسمى على موقع تبادل الصور والفيديوهات إنستجرام صورة افيش فيلم البدلة معلنا وصول إيراداته داخل جمهورية مصر العربية فقط إلى 60 مليون جنيه وهو أعلى إيراد لفيلم فى تاريخ السينما المصرية .

وعلق تامر على الصورة قائلا: "مساء الورد على أغلى ناس، فى الحقيقة مش بحب أتكلم عن أرقام إيرادات أفلامى، بس سامحونى المرة دى، مضطر أتكلم وبتكلم وأنا فرحان من كل قلبى، النهاردة فيلم البدلة حقق رقما استثنائيا أول مرة يحصل، حقق أعلى رقم فى تاريخ السينما المصرية والعربية داخل مصر وخارجها، فكان لازم أفرح ونفرح مع بعض وكان لازم التاريخ يشهد على التحقيق ده عشان كان حلما من أحلامى لأنى فى الأصل مطرب".

وأضاف: "كانت أمنيتى أحقق ده فى السينما ومش فكرة إيراد قد ما هو إجماع شعبى جماهيرى على الذهاب للفيلم والإشادة به، وثانياً لأنه فكرتى، وطبعاً ده نجاح كل فريق العمل المحترم والروح الجميلة الطيبة اللى كانت بينا هى السبب فى ده، فرحتى الثانية لأن السنة دى ألبوم عيش بشوقك حقق أعلى مبيعات، الحمد لله".

واستكمل: "أما عن فرحة عمرى الكبيرة بالنسبة ليا إن 2018 السنة اللى شفت فيها ابنى (آدم)، ربنا يحفظه ويجعله ظهر وسند لأخواته ويحميكم ويسعدكم انتم وأخواتكم وأولادكم وآبائكم.. شكرًا".