هاجم الإعلامي توفيق عكاشة، فنانة غادة عبد الرازق بعد اعتراضها على فكرة تحديد الأجور أو خفضها قائلا:«عيب الناس تحدد أجر الفنانين، انتي على حق تاخدي 50 مليون جنيه والممرضة السهرانة طول الليل تاخد 3 آلاف جنيه».

وتابع عكاشة خلال برنامج «مصر اليوم»، على قناة «الحياة»، العسكري وأمين الشرطة والضباط اللي بيموتوا في سينا أتخن شنب فيهم لو عميد بياخد 9 آلاف جنيه في الشهر وحضرتك 50 مليون جنيه في المسلسل».

واستكمل «المهندس الذي ليه خبرة 15 سنة وبيعمل في ظروف صعبة يحصل على 10 آلاف والطبيب يحصل على 4 آلاف جنيه وانتي عاوزة في الشهر 50 مليون جنيه أو انك تقولي هيقعدوني في البيت».

وقال عكاشة:«ما شوفتش حد فيكم راح زار مصاب من المصابين في حرب الإرهاب في سيناء بمستشفي ولا شوفت حد فيكم اتبرع لصندوق تحيا مصر غير محمد رمضان، من الذي يتحدث عن مصر فيكم، لما كان فيه ثورة في البلد انتي وأمثالك لم تتصدوا للإخوان».