تنشر بوابة الهلال اليوم، كلمات أغنية "نفس الحروف" التي قدمتها الفنانة دنيا سميرغانم، بالمشاركة مع عدد من ذوي الاحتياجات الخاصة، ضمن الاحتفالية باليوم العالمي للأشخاص ذوي الإعاقة الذهنية، بحضور الرئيس عبد الفتاح السيسي.

وأقيمت الاحتفالية، أمس، بحضور عدد كبير من الفنانين والإعلاميين وأهالي ذوي الاحتياجات الخاصة.

وتأثر الرئيس عبد الفتاح السيسي، بكلمات هذه الأغنية مما دفعه للبكاء، في لافتة إنسانية له ضمن سلسلة مواقفه الإنسانية التي اعتادها منه الشعب المصري.

الأغنية من تأليف محمد إبراهيم وهشام سليمان، وألحان هشام جمال، وتوزيع نادي.

وكلماتها كالتالي:

محمود عبد الباري.. متحدي متلازمة الدون:

مين اللي قال.. في مشكلة ف نطق الكلام

‏‎مين اللي قال.. إن التفاهم مش تمام

أحمد.. متحدي التوحد:

مين اللي قال.. إن إحنا مش قد الظروف

مين اللي قال.. إن إحنا نستسلم لخوف

نانسي متحدي إعاقة حركية:

ليه تحكموا بالشكل بس.. الله جمال.. خلق البشر بينهم فروق

خلق البشر بقلوب تحس.. وخلقني بينكوا وأداني كل الحقوق

عبد الرحمن متحدي إعاقة بصرية:

ليه تحكموا بالشكل بس.. الله جمال.. خلق البشر بينهم فروق

خلق البشر بقلوب تحس.. وخلقني بينكوا وأداني كل الحقوق

دنيا سمير غانم:

أنتوا الحياة وأملنا فيكوا.. لو مرة توهنا نبص بعيونكم نشوف

أنتوا الحياة وبكره ليكوا.. وبعد الألم جاي الأمل.. الكلمتين نفس الحروف

عبد الرحمن.. متحدي إعاقة بصرية:

أنا مش زيادة على الحياة.. أنا ليا دور لازم يتم

وعد إني بكرة أثبتلكم.. أنا قد إيه إنسان مهم

المستحيل مش في القاموس.. وأنا مش هسيب الحلم قبل ما أحققه

دنيا سمير غانم:

‏‎قصص التاريخ بتقول دروس عن اللي عاشوا بيحلموا وبيصدقوا

عبد الرحمن:

لو كل سور كان بعده سور.. أنا نفسي أطول من التعب ومن الطريق

شايف في أخر السكة نور

دنيا سمير غانم وعبد الرحمن:

بصبر وأعافر كل ما الأيام تضيق

دنيا وعبد الرحمن ونانسي وأحمد ومحمود:

أنتوا الحياه وأملنا فيكوا.. لو مرة توهنا نبص بعيونكم نشوف

أنتوا الحياة وبكرة ليكوا.. وبعد الألم جاي الأمل..الكلمتين نفس الحروف

عبد الرحمن:

الدنيا محتاجه إننا.. لو يوم وقعنا قوام نقوم

دنيا سمير غانم:

ونعيش حياتنا كأننا

دنيا وعبد الرحمن:

بنتولد فيها كل يوم.