استنكر محمد عمارة، رئيس لجنة التسويق والعلاقات العامة بحزب المحافظين، الحملات الممنهجة ضد الدولة المصرية التي يتورط بها بعض الشخصيات المصرية بزعم المعارضة، رغم التحديات الأمنية والتضحيات الأمنية وأخرها حادث الزاوية الحمراء الذي أحبطته قوات الأمن.

وحذر رئيس لجنة التسويق والعلاقات العامة بحزب المحافظين، المصريين من "بيزنس المعارضة" والشعارات الحنجورية التي يتخفى وراء أغراض وأجندات سياسية تهدف لإشعال الفتن وإثارة البلبلة، وأخرها الظهور على القنوات والمنصات الإعلامية مزدوجة المعايير التي تخدم الكيانات المعادية لممتلكات ومقدرات الشعوب، لافتا إلى أن هناك شعارات زائفة بهدف تشويه المقنرحات الدستورية ويسارع بالظهور على القنوات التي تدعم من بعض الجهات في الخارج فضلا عن تأييد حملات دعم للنائب أحمد طنطاوي الذي يتزعم طوابير الحنجوريين الآن، وتدشين أيضا حملات لدعمه رئيسيا بهدف تأجيج الشارع وإثارة الفتن وإحداث الوقيعة بشعارات زائفة.

وإلى نص المقال..

كلنا بالأمس شوفنا وتألمنا من استشهاد ولاد مصر وهما بيؤدي دورهم لحمايتنا وعلشان احنا نعيش الله يرحمهم ويرحم كل من استشهد دفاعا عن الوطن نيجي لحاجة مهمة جدا موضوع الساحة التعديلات الدستورية وكان نفسي اطلع معاكوا لايف بس عندي نزلة برد حادة فقلت اكتب ونثري الفكر ونتناقش .

من أبرز ما رايت موضوع النائب أحمد طنطاوي ومش هتحدث اني لسه سايب حزب معارض واللي شفته بين اروقه المعارضة والبطولات الحنجورية والابتزاز والرشاوي والعلاقات الاجتماعية اللي نص نص تحت بند حرية والليبرالية والكل منبسط كل ده جمعته في كلمة واحدة " بيزنس المعارضة " وجديا بفكر اعمل كتاب اسمه "بيزنس المعارضة " او " الحنجوريين " علشان شبابنا وولادنا ميبقوش صيد سهل للأغراض الخفية لهذا البيزنس والله على ما أقول شهيد " بيزنس" واقسم بربي ان ناس كتير جدا مخدوعة في الحنجوريين.

النائب أحمد طنطاوي بحييه وبحي جرأته أما قال لا للتعديلات الدستورية رجل متريس ومفوه من اكتر النواب اللي شفتهم بيقولوا " لا " ممكن نتحوار معاه لأنه بيتقبل الرأي والرأي الآخر لحد كده جميل  بس معنى معترض هل معترض على كوته الشباب والمرأة فأقول له انت شاب وانت كنت من مكتسبات تمكين الشباب وبرلمانك برلمان شباب واللي جاي يبقى أكثر شبابية.

هل معترض على التعديلات الخاصة بالسلطة القضائية طيب منعمل مقارنة بين الإجراءات الحالية والمقترحة ونفهم؟.

هل معترض على مجلس الشيوخ طب منعمل مقارنة بين الدول اللي عندها مجلس الشيوخ واللي معندهاش ونشوف وتاريخيا نحن من أقدم الدول اللي عندها ثم تعالوا هنا كان مجلس الشورى أيام الإخوان لماذا لم نسمع اعتراضات على وجوده ده نفس الناس اللي بترفضه الآن خرجت ساعتها وقالت ركائز وجوائز وكلام من هذا القبيل.

هل معترض على مدة الرئاسة منشوف ونعمل مقارنة ونفهم الناس وإيه هي المتطلبات لده.

لكن أرمي كلام وخلاص وأقول انتكاسة ونكسة وواحد تاني عاوز يعمل زعيم يقول "عدوان" ويطلع يجري والبي بي سي بتاعة بريطانيا تطلع تسوق لكلمة "عدوان" ووضحتها في منشور سابق والاقيها مسوقه للسيد حمدين صباحي والبي بي سي اللي أحمد طنطاوي دائم الظهور عليها كل ده واحنا بنقول لا لا لا لا ان بعض الظن إثم والاقي كام حزب عامل نادي وجايبين الاتحاد الأوروبي في الوقت ده وعاملين فيها الزعيم سعد زغلول طب الزعيم كان بيقاوم الاحتلال مش بيقعد معاهم ويتقوى بيهم....والغريب والمدهش والممتع ان البي بي سي متطلعش تقول ليه ان إسرائيل معندهاش دستور اصلا ....يا صلاة النبي على بينشوفه

الحاجة الغريبة صفح اتعملت أحمد طنطاوي رئيسا للجمهورية إشمعنى أحمد يعني من النواب اللي اعترضت بيتعمله كده هل علشان علاقته القوية بالسيد حمدين والبرادعي وبداية صناعة واجهة جديدة لو كده يبقا فيه كلام تاني ونستطرد فيه بس انا اقول كلمة وأجري على الله الكلام سهل والتنظير مفيش أسهل منه لكن المسئولية والتطبيق صعب وصعب جدا وهنوضح ده ان شاء الله في " بيزنس المعارضة " وبالادلة

المثير للجدل ان صفح الإخوان برسالة واحدة تدعم أخونا أحمد طنطاوي وقنوات الإخوان والغريب والاشد غرابه بعض الناس من صفح المؤيدة للرئيس السابق محمد حسنى مبارك.

واللي لفت نظري مع كل ده الجزيرة بنت الديرتي عاملة فيلم كيوت برئ وانا بس اللي نيتي وحشة ومؤمن بالمؤامرة على بلدي والفيلم ده مش تخريب عقول خالص ولا استعداء خالص ولا عاوز يسوق إننا نتعاطف مع الشباب اللي أتجند من على مواقع التواصل الاجتماعي وهرب وانضم لداعش وان مصر الملحدة الوحشة هي السبب وأن مفيش حل أودام المحبط إلا أنه يشيل السلاح أودام أخواته.

مش هقولك يا بن بلدي خليك مؤيد ولا معارض هقولك خليك واعي وافهم لأن اللعبة عبارة عن باظل لو جمعتها هتفهم الصورة كسلت مش هتفهم وهتقع في الخية تاااااني بس المرة ده هما عاملنها بطريقة المطار السري وعاوزين الحق التعديلات ده تترفض ويتعمل دستور جديد بروح الوطنية والمسئولية التاريخية للأجيال القادمة.