كشف تسريب صوتي لأحد أفراد الجماعة الإرهابية الهاربين عن الاتفاق بينه وبين أحد الوسطاء لمخابرات دول معادية للحصول على تمويلات ضخمة ورواتب لنشطاء الجماعة الإرهابية على مواقع التواصل الاجتماعي بهدف خلق حالة فوضى بمصر.

ويقول الإرهابي "أحمد أبو عمار" في إحدى التسريبات الصوتية له:" طيب بالنسبة للنقاش النقطة هتكون بالنسبة للدينا بتاعة هانى صبرى اللى هو بتاع اذاعة "هنا الثورة" اللى اتكلمنا فيها قبل كدة بيقولى طيب أنا عاوز أعمل حاجه فكر فيها ورد عليا قولتله ماشى وقالى عايز نكون صفحة عددها يقدر بمئات الآلاف ونبدأ ب100 ألف ولا حاجة ونكبرها والشيخ خالد وأكثر من شخصية تتصدر المشهد فى الانتفاضة تمام لان طبعا احنا عارفين هو أصلا شكله فهم ههه الحوار كله بتاع ياسر تمام".

وتابع أبو عمار في الفيديو:" قالى انا فاهم الدنيا مع ياسر فاهم انه مش هيطلع تانى والظهور والكلام ده كله وانكم انتوا مكملين وقالى انا عايز اسألك سؤال لو دلوقتى انا هجبلك دعم يقدر بمئات الآلاف وده من دول كمان مش من أشخاص بعينها أو مش من اشخاص مصريين اصلا يعنى، تمويل ودعم من دول وكمان ممكن تدى رواتب للناس اللى هتشتغل معاك  وقالى نبنى صفحة كبيرة باسم الانتفاضة ويكون عددها كبير وزى الشيخ خالد وكذا شخصية عامة يتبنوا الانتفاضة ويشتغلوا عليها ونقويها ونزودها وحتى الموضوع يتصدر عالسوشيال والاعلام وانا بقولك اهو هجبلك دعم من دول مش من شخصيات كمان، انا بس هضيف جزئية علشان الكلام يبقى كله تمام والكلام ده خاص بيك بس، وكمان قالى ان فيه توصل مع "المخابرات......"، والموضوع ده يعنى بيقول احنا شغالين بناء على تواصل معاهم واحنا شغالين علشان نبنى كيان ثورى كبير عالفيسبوك".