مصطفى أبو تورتة.. «لا تعاتب الندل ولا تلومه.. ده زى البقعة لا بيطلع برابسو ولا بأومو»
تخيلي، يوم زفافك أو خطوبتك، وسط فرحة الأهل والأصدقاء، تبحثين عن عريسك فتجدينه اختفى هو وعائلته، بل وسرق التورتة التي أحضرها أيضًا !
هذا هو بالظبط ما حدث مع فتاة تدعى نهال في حفل خطوبتها، فقد باعها عريسها النذل هو وعائلته في يوم الخطوبة، بعدما تركها دون عزر مقنع في القاعة وحيدة مع أهلها فقط، وقررت نهال أن تنفس عن غضبها فيما فعله ذلك الشب بسرد قصتها على السوشيال.
واستيقظ المصريون صباح، اليوم الأربعاء، على هذه الـ قصة الـصادمة التي أثارت غضب واستفزاز معظم الشعب خاصة السيدات، وعلى الرغم من ذلك، تناولها المصريون من جانب طريف؛ للسخرية من الشخص الذي اشتهر باسم مصطفى أبو تورتة بل وأصبحت قصته تريند رئيسي على السوشيال ميديا.
وسردت نهال قصتها كالتالي: "أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما أطلب حاجة وقولت دا عادي بيحصل بس اللي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت باركتلي وقولت أمشي اليوم".
وأضافت: "كل ما أقوله فين الشبكه اللي هنلبسها يقوللي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيلطم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان".
وتابعت: "والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت مجاش في بالي للحظة واحدة انه هيعمل فيا كدا، دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل".
ومنذ سردت نهال قصتها، ولم يهدأ للسوشيال ميديا بال، فقد قامت السيدات على معظم مواقع التواصل الإجتماعي بدعم نهال ورد غيبتها من خلال هاشتاج (مصطفى أبو تورتة) للسخرية من موقفة النذل وطريقته الغريبة في الهروب.
بل وعلق بعض المشاهير على هذا الأمر أيضًا، وكان من أبرزهم الكوميديان المصري محمد هنيدي الذي سخر من (مصطفى أبو تورتة) عبر حسابه الرسمي على فيسبوك، قائلا: "والله كان فيه تورته هموت عليها"، مرفقًا المنشوور بصورة من فيلمه عندليب الدقى حينما قال: "كان فى زيتونة هموت عليها".
وكان من المثير للاستفزاز بشكل أكبر هو تعليق مصطفى أبو تورتة على موقفه:
