ودع الفنان كريم فهمي جمهوره وزملاءه في مسلسل "حكايات بنات"، بعد انتهاء دور عاصم الذي يقوم بآداء شخصيته.

وشارك فهمي جمهوره بصورة على موقع تبادل الصور العالمي "إنستجرام"، وعلق عليها قائلا: "مع آخر حلقه في الجزء الثاني يكون انتهى دور عاصم وبالتالي انتهاء دوري في مسلسل “حكايات بنات” اللي ربنا سبب فيه الأسباب وخلاه السبب إن الناس تعرفني أو خلاني موجود على خريطه الممثلين". 

وأضاف، "المسلسل ده أنا بحبه جدا وهفضل شايله الجميل ده طول عمري، وعاصم أكتر شخصية حبتها من اللي مثلتهم يمكن عشان كان انطلاقه بس فعلا حبيته بهدوئه وقوته وحبه لأحلام". 

وتابع: "لما جينا نعمل الجزء الثاني كنت خايف معرفش أمسك الشخصية عشان كانت من خمس سنين بس مع أول شوت عفريت عاصم ركبني، شكرًا لكل من شارك في حكايات بنات وعلى رأسهم المنتج طارق الجنايني وفريق الإنتاج، والممثلين". 

وأضاف "و طبعا صبا مبارك عشان ديه شريكة النجاح، باهر دويدار المؤلف ، و مخرج الجزء الاول حسين شوكت و مخرج الجزء الثاني اللي برضوا عمل مجهود رهيب مصطفي ابو سيف ، شكرًا لكل عامل اشتغل في حكايات بنات".

وتابع: "شكرًا ندى أكرم وربنا معاكوا في الجزء الثالث كلكوا، و اللي عايز أشكره بجد جمهور حكايات بنات اللي عنده ولاء وحب للمسلسل مشوفتوش قبل كده، إنتوا سبب نجاح المسلسل وسبب نجاح عاصم، شكرًا حكايات بنات”.