دخلت والدة مطرب المهرجانات حمو بيكا، فى حالة بكاء على الهواء، قائلة إنها لا تتفهم سبب الهجوم الشديد على ابنها، معلقة "مش عارفة الكل بيحاربه ليه، ابوه راجل كبير وعيان بالسكر، وأخوه شغال في إحدى الشركات، وهو شقيان من صغره، طول عمري خايفة عليه، لأن الدنيا مش مريحاه، أنا اشتريت له توك توك فى الأول عشان يشتغل عليه وكان عنده مشكلات".

وأضافت والدة حمو بيكا، إن نجلها كان يعمل على توك توك وكان يصرف على البيت بالكامل، وأن أول أيام حياته وهو يكافح من أجل لقمة العيش.

ولفتت والدة حمو بيكا أن نجلها طيب القلب، "مفيش أطيب من قلبه، مش عشان ابني والله، طب حتى اسألوا عليه البشرية كلها، اللي في إيده مش بتاعه، مراضيني وفاتح بيتي وبيت إخواته وبيت كل الناس اللي شغاله معاه".

وأضافت والدة الفنان حمو بيكا خلال حوارها ببرنامج "تفاصيل" المذاع على قناة "المحور"، إن نجلها لديه مسئوليات كبيرة بداية من أشقائه وحتى العاملين معه.

ولفتت والدة الفنان حمو بيكا، إلى أنها اتصلت بالفنان هانى شاكر نقيب الموسيقيين، واعتذرت له وطالبت منه مسامحة نجلها.

وأشارت والدة حمو بيكا إلى أنها تلقت هى الأخرى اتصالا من الفنان هانى شاكر بعد اتصالها به، وتحدث معها بكل احترام.

وكشفت والدة حمو بيكا، عن أنها تتمنى أن يسير ابنها فى سلام وأمان وطالبت الفنان هانى شاكر للمرة الثالثة بمسامحة نجلها، ودخلت والدة الفنان حمو بيكى فى حالة بكاء، وقالت: "ابنى هو اللى مسئول علينا ولو دخل السجن هنموت".