كشف الفنان هشام سليم، عن تعرض ابنته نورا لعملية تحول جنسي وأصبحت ذكرا بعد أن كانت أنثى واسمها الآن نور، قائلا: "بنتي نورا بقت ابنى نور وربنا اللي عايز كده وهي بتتحول جنسيا حاليا، وأنا مستغربتش أبدا أنها تتحول جنسيا لأنها من ساعة ما اتولدت وأنا كنت شايف إن جسمها ولد وكنت علطول بشك في الحكاية دي".

وتابع هشام سليم، في حوار ببرنامج "شيخ الحارة والجريئة" مع المخرجة إيناس الدغيدي، على قناة القاهرة والناس، "فى يوم من الأيام قالت لي أنا عايشة في جسم غير جسمي وكان وقتها عمرها 18 سنة ودلوقتي 26 سنة"، مؤكدا أن قرار ابنتها بالتحول الجنسي لذكر شجاعة منها خاصة أننا نعيش في مجتمع يرفض مثل هذه العادات.

وأكد الفنان هشام سليم، أن أسرته تعامل ابنته الآن على أنها ذكر وتشجعه على استكمال حياته كولد ، معبرا عن دعمه لأي أسرة تعاني هذه الأزمة قائلا: "عايز أقول الله يكون في عون الابن اللي كده أو البنت، ويكون في عون الأهل، وأنا كأب مهما حاولت مش هقدر أفكر زي ما ابني بيفكر دلوقتي".