ردت الفنانة شيماء سيف بقوة عبر صفحتها بموقع التواصل الاجتماعي "فيسبوك" بقوة بعد تعرض نجل الفنان محمد رمضان للتنمر من قبل إحدى متابعيه.

وقالت شيماء سيف: "الفنان أو الفنانة من دول لو اخفى ابنه عن الأضواء أو حط على وشه في الصور قلب أو أي حاجة عشان ميتعرفش ويعيش حياة طبيعية تمسكوه تبهدلوه وهات يا تلقيح وهو فاكر نفسه مين وهو يعني محدش خلف غيره وكلام من ده كتير يضايق ويسم البدن".

وأضافت شيماء: "ولو عاش حياته طبيعي ونزل صورة ولاده تستلموه تريقة هو وعياله وأهله بلا رحمة والكارثة أن التريقة على لون وشكل يعني هو ملوش أي ذنب وأنت يا جميل يا اللى مفيش فيك غلطة بتعترض على خلقة ربنا طب نعمل ايه طيب.. والسؤال هنا كمان اللى بيكتب كده ده ضميره مش بيأنبه ولو لحظة صغيرة".

كما تفاعلت الفنانة بدرية طلبة على ما كتبته شيماء سيف وعلقت عليها قائلة: "نفسي بس اللى بيتنمر على خلق ربنا يفتكر إن فى لحظة ممكن حادثة بسيطة تشلفط خلقته.. وكما تدين تدان".