عرض الإعلامي محمد موسى صورا مأساوية توضح تدهور الأوضاع المعيشية في تركيا.

وتابع موسى خلال برنامجه "خط أحمر" المذاع عبر فضائية الحدث اليوم، "هذه الصور تفضح الفقر الذي يعيش فيه الشعب التركي في ظل حكم سلطان الخرفان رجب طيب أردوغان.. هتشوفوا من خلال الصور دي تركيا اللي بتتكلم عن مصر وعن مشاكلها بكل بجاحة وتزييف.. تقريبا كده الصور دي بينطبق عليها مثل بيتقال عندنا هنا في مصر اللي هو " كلم اللي مش عارف إيه تلهيك واللى فيها تجيبه فيك " هو ده أردوغان وإعلامه القذر اللي بيموله تميم وللأسف محسوبين علينا كمصريين زي الخونة لوسي الشهيرة بمعتز مطر والطبال محمد ناصر ونعناعة الشهيرة بجو شو والأهبل صابر مشهور" .

وتساءل، "فين الإعلام الإخواني الخاين ليه مش بيعرض الذل والفقر اللي الشعب التركي عايشه، بتتكلمو عن عشوائيات مصر وغلاء الأسعار ..أومال اللي عندكم ده يبقي إيه ؟ ياريت قبل ما تتكلموا عن مصر أم الدنيا تتوضو وتغتسلو قبل ما كلمة مصر تطلع من ألسنتكم القذرة".

أضاف، "رجب أردوغان مبيفكرش غير في الهدم والخيانة ياريت بقي يا عم أردوغان تركز في عشوائياتك وناسك اللي بتأكل من الزبالة بدل ما كل فلوس الغلابة اللي عندك رايحة علي الإرهاب يا خاين يا خسيس .. دي لمحة بسيطة عشان للأسف البعض بيتصور أن الحياة في تركيا هي اللي بنشوفها في مسلسلات مهند".