قال الرئيس عبد الفتاح السيسي، إن الدولة أنفقت على المشروعات المختلفة خلال المرحلة السابقة، ما يزيد على 4 تريليونات جنيه.

وأضاف السيسي، خلال الندوة التثقيفية للقوات المسلحة بمناسبة الذكرى 47 لانتصارات أكتوبر المجيدة، اليوم الأحد: "اللي فات ده كله خطوة من الألف، لأن بلدنا فيها 100 مليون عايز تعمل ليهم شبكة طرق، فضلا عن توصيل الغاز وتشييد المدارس والجامعات والمستشفيات، وتوفير فرص العمل، عايزين بدل الـ4 تريليون، عاوزين 40 تريليون جنيه".

أكد  الرئيس عبد الفتاح السيسي، أنه يكرر دائما فكرة الوعي ويتحدث عنها باستمرار، متابعا: "باتكلم عليها القضية اللي أنا قلقان منها، ودايما بشاور عليها، هو إن إحنا نحافظ على بلدنا لأن دايما اللي كان بيتم لإسقاط الدول كانت حروب مباشرة".

وأضاف السيسي: "لكن دلوقتي فيه أجيال جديدة طالعة بتتعامل مع قضايانا وتعيد تصديرها للرأي العام في مصر، علشان يخلي الرأي العام أداة تدمير الدولة".

ويشهد الرئيس السيسي فعاليات الندوة التثقيفية للقوات المسلحة الـ32، تحت عنوان، "أكتوبر 73.. رمز البقاء والنماء"، التي تأتي تزامنًا مع الاحتفالات بمرور 47 عامًا على انتصارات أكتوبر بحضور قادة القوات المسلحة وكبار رجال الدولة.