دائما ما يراهن الرئيس عبد الفتاح السيسي على وعي الشعب المصري، لمواجهة التحديات التي تحيط بالدولة المصرية خلال الآونة الأخيرة وعلى رأسها محاولات قوى الشر لإثارة البلبلة وزعزعة الاستقرار وبث الشائعات بهدف إثارة الفوضى داخل المجتمع المصري، لكن الشعب المصري دائما ما يقف صفا واحدا ضد هذه المحاولات ويثبت وعيه بتلك الأهداف الخبيثة.

وخلال الندوة التثقيفية للقوات المسلحة بمناسبة الذكرى 47 لانتصارات أكتوبر المجيدة، اليوم الأحد، أكد الرئيس السيسي أن الفكرة الأساسية لاستقرار وتقدم الدولة هي وعي شعبها بالتحديات التي تواجهه والتعامل معها بشكل مناسب.

وأضاف السيسي: "الغطاء النقدي بتاع مصر راح امتى، استهلك في حرب اليمن، القضية وإن كانت تشغلنا كلنا لكن جوهر الفكرة والتقدم هو الاستقرار نتيجة وعي شعبها، لازم نوعي الناس ونقولهم الحكاية إيه والتحدي الأخطر إيه".

أجيال جديدة من الحروب

وتابع الرئيس: "لو الـ23 مليون اللي في التعليم فهموا تاريخ الدولة المصرية وما آلت إليه وحقيقة التحدي فين فرصة أي حد يعبث بمصر، مضيفا:" دي ندوة للقوات المسلحة عايزكم تخلوا الضباط والصف تعلم الكلام ده يوميا للجنود ويطلبوا منهم يقولوا لأسرهم ليه الدولة المصرية كده".

كما أكد السيسي أن الدولة أنفقت على المشروعات المختلفة خلال المرحلة السابقة، ما يزيد على 4 تريليونات جنيه، مضيفا "اللي فات ده كله خطوة من الألف، لأن بلدنا فيها 100 مليون عايز تعمل ليهم شبكة طرق، فضلا عن توصيل الغاز وتشييد المدارس والجامعات والمستشفيات، وتوفير فرص العمل، عايزين بدل الـ4 تريليون، عاوزين 40 تريليون جنيه".

وشدد على أنه دائما ما يكرر فكرة الوعي ويتحدث عنها باستمرار، متابعا: "باتكلم عليها القضية اللي أنا قلقان منها، ودايما بشاور عليها، هو إن إحنا نحافظ على بلدنا لأن دايما اللي كان بيتم لإسقاط الدول كانت حروب مباشرة، لكن دلوقتي فيه أجيال جديدة طالعة بتتعامل مع قضايانا وتعيد تصديرها للرأي العام في مصر، علشان يخلي الرأي العام أداة تدمير الدولة".

السيسي يشكر المواطنين

وقبل أيام خلال افتتاح الرئيس السيسي مجمع لتكرير البترول في مسطرد بمحافظة القليوبية، أواخر الشهر الماضي، أشاد السيسي بوعي المواطن المصري، قائلاً: أنا دائما بقول لكم أنا براهن على الناس، دلوقتي بقولكم أنا بشكر الناس".

وشدد على أن وعي المصريين هو أقوى سلاح ضد الأفكار والدعوات الهدامة، مؤكدا "ده رهان عليكم أنكم قادرين وبتتحملوا.. الشعب والدولة حاجة واحدة ومحدش يقدر يدخل بيننا".

وتابع الرئيس: "بنصلح فى الأرض.. لو بفسد فى الأرض هبقى خايف لأن مش هيبقى معايا ربنا.. وأن الناس تعمل فى مسار إصلاح وتنمية وتعمير لأن الدولة تحتاج إلى هذا.. الإصلاح الاقتصادي لم يكن سهلا.. وبفضل الله عدينا منه وحققنا إنجازات الدنيا كلها ببتكلم عليها.. وأنا بقول "بفضل الله" وقدرنا نواجه الاقتصاد المعثر والسياحة وغيرها".