أنا الوطني، أنا العايش تحت خط الفقر
أنا المطحون، ومش راضي أحس بقهر
أنا المحروم، وأحلامي بتسبقني
أنا الغلبان، وعمري ماشي يسرقني
أنا المخلص، وأنا الخاين
وأنا اللي فيكي مش باين
وأنا الحارس حدود أرضك
وعلى عرضك أنا صاين
وأنا الغلبان، وأنا الفاجر
وأنا اللي ليكي مِ الآخر
في حبك كالكتاب مفتوح
وأنا الجارح وأنا المجروح
وأنا المغلوب على أمري
وأنا المظلوم من صغري
وأنا الجاري على قوتك
بحبك رغم جبروتك
ورغم القسوة بَهَواكي
بغيب وأجي على صوتك
وعز الزحمة بلقاكي
عتابك بَقَبله منك
وصبري طال بِطول سِنك
وعايش فيكي وكأنك
إنتي اللى عايشة جوايا
يا أمي وأختي وضنايا
يا شق النور، وضي الفجر
ومهما يقولوا يوم عنك
بحبك حتى آخر العمر
حبيبتي يا مصر.