كشفت النجمة رانيا يوسف، عن أسباب فشل زيجاتها الثلاثة، مؤكدة أنها جاءت بسبب نقص الأمان العاطفي والاحتواء، قائلة: «ملقتش حد يفهمني ويفهم بناتي».

وقالت رانيا يوسف، خلال استضافتها ببرنامج «مساء DMC ، الذي تقدمه الإعلامية إيمان الحصري: «برفض ارتبط بحد عشان يشيل المسئولية، محبش حد يتحكم فيا، وإني اتجوز حد غني عشان يصرف لا، زي جوازاتي الثلاثة كانوا مش أغنياء، بس مستورين ومكملتش لأن كان ناقص الأمان العاطفي».   

وتابعت: «لا يوجد راجل يستطيع تحمل المسئولية التي تقع على عاتقي»، مضيفة: «بزعل من خيبة الأمل و الزعل بيهدني،  ويستهلك من طاقتي، والوجع بيخليني عاوزة أنجح أكتر، وابقى أحسن.. أنا مفيش حاجة تكسرني».

وأضاف رانيا يوسف: «طول الوقت شايفينك من برا، محدش يعرف جواكي إيه،  واحدة ست في مجتمع ذكوري الراجل ميعرفش يشيل عُشر  اللي أنا شايلاه ..هيقع».

واستطردت: «أنا مطمع الرجالة لأني مشهورة، وفنانة معاها فلوس.. والحياة مش سهلة، بس لازم تبقى محاربة».

 يذكر أن آخر أعمال راينا يوسف السينمائية فيلم «دماغ شيطان»، الذي لم يحقق إيرادات عالية، ويشاركها بطولة الفيلم الفنان باسم سمرة وصبري فواز، وسلوى خطاب، وهو من إخراج كريم اسماعيل وتأليف عمرو الدالي.