أ_

أنا جمل صُلب لكن علّتي الجمال

غشيم مقاوح ما يعرف هوا الأجمال

كار الجمل، لوجمل، ﻻزم يكون جمّال

آه يا أمل يا جمل.. حاربت ما خفتش

وعدني زماني مع اللى ما يعرفوش قدري

كان لسة إيه يتقال وما قلتوش

دول شيّلونى التراب بعد الهدوم والمال

كنت النبات فى الأرض كنت الجمال

دا أنا كنت واعي وقاعد وسط المجال قدري

صبحت فى إيد الأرامل يلعبوا بي المال

أنت الدهب فى الأرض أنت الحلال

لفيت بلاد السِند والهند وبلاد تركب الأهوال

واتبعت وشريت من واحد إلى واحد.. 

ما لقيتش واحد يصون للود.. 

ليه يا عيال

م_

حرة جريئة كصرخة المولود

طلقة فى عين الحسود

علمتنا نقاوم بجرأة الدود

ونهد حيل اليهود

ونشد حيلنا نستعد لبكرة

كنت الأمل فى الأرض.. زرعة بكرة

عشنا الليالى السود

شعرك يا صاحبى بارود بينور المخبأ

يا لحظة التنوير فى الملجأ

بتخطفينا ليه واحد ورا واحد?

نفتح طريق الحق

ل_

دى مصر لسة ولود..

وشعرنا موجود.. فى القلوب والطين..

وﻻ ينطفى أبدا ..

رغم الضلام والقهر والضالين

واخطف بالموت كفيل يصحّي الميتين ويصحصح الحيين

يبقوا التبات فى الأرض يبقوا النبات والأمل

د_

واللا تطول السما..

وأنت الأمل فى الجاي..

اللا متحاشة ف حشاي..

طلعت فى شعرك نضال

ن_

ونعيد أمل لحظة أمل فى كل أشعارنا

ق _

حرة جريئة .. صرخة المولود

ل_

طلقة فى عين الحسود