نشرت الفنانة هنادي مهنا عقب حفل زفافها على الفنان أحمد خالد صالح، فيديو عبر صفحتها الرسمية على موقع إنستجرام؛ حيث علقت هنادي على نفي والداها الموسيقار هاني مهنا دعوته لمطربي المهرجانات حمو بيكا، عمر كمال، حسن شاكوش، فى حفل زفاف ابنته وذلك بعد اتهام نقابة المهن الموسيقية له بأنه خالف قرار النقابة الصادر ضدهم وقد أصدرت النقابة بيانًا صحفيًا، تستنكر فيه استعانة الموسيقار هاني مهنى بهم لإحياء حفل الزفاف.

وعلقت قائلة: "عاوزة أوضح أني أنا اللي مكلمة عمر كمال وأنا اللي عازماهم وكلمت حسن شاكوكش وحمو بيكا ومردوش، وعمر كمال قالي إن هو هيجيبهم مفأجاة وأنا كنت عاوزة أعمل مفاجأة عشان هما محبوبين جدا، والناس كلها بتبسطت لما أغانيهم بتشتغل والناس كلها بتبسط بوجودهم، والناس كلها اتبسطت لما هما جم".

وأضافت هنادى: أنا مبسوطة أوي إن هما جم وشرفونا ونورونا وفرحونا ومش احنا بس هما فرحوا كل الناس اللى كانت موجودة بدليل إن هما متصورين وكل الناس اللي كانت موجودة متصورة معاهم ، وانا سعدية بأغانيهم، وأنا مشجعة كبيرة ليهم والمزيكا بتاعتهم، وبابا مكانش يعرف إن هما جايين، وفكرة إني بسمع الأغاني دي متخصش أي حد، وانا فعلا بحب الأغاني دى جدا".

وأوضحت مهنى "أن التلاتة ناجحين جدا وبجد شرفتونا ونورتونا ومبسطوين أوي انكوا كنتوا موجودين وأنا اللي أصريت إنهم يبقوا موجودين وأنا اللي مكلماهم بنفسي، وقالت أحب أشكر عمر كمال وحسن شاكوش وحمو بيكا على وجودهم بجد فرحتونا أوي وكفاية كلام في الموضوع عشان أخد أكبر من جحمه".

وتابعت في فيديو مع زوجها الفنان خالد صالح معلقة: "سيبك إنت ايه رأيك في مفأجاة عمر كمال وحسن شاكوكش؟!".

فجاء تعليقه: "كانت حلوة جدا ونوروا الدنيا وبسطونا بجد شعلولها يعني الناس كانت مبسوطة أوي بوجودهم وبغض النظر عن كل الكلام ميرسي بجد أنكو جيتوا وشرفتونا، وبجد بسطونا ميرسي ليكوا، ومع كل التقدير والاحترام للأستاذ هاني شاكر طبعا ونقابة المهن الموسيقية بس ده موضوع مختلف هما كانوا معازيم".