تنشر "الهلال اليوم"، رباعيات شعر عامية للشاعر أحمد عثمان من كتاب "حبات اللؤلؤ".
لو مرة شتمك حقير *** رديت عليه شتمته
نزلت ليه لمستواه ؟ *** ورفعت من قيمته
***************
الحب قادر *** إنه يصنع معجزات
بيحى حلمك *** لجل تصنع بيه آيات
*******************
حرمني أبويا وعلا *** ف بيتنا دور ورا دور
وبعته أول ما مات *** لأني ما ليش دور
***************
قدرة الله الكون *** قادرة على شفائي
وإرادتي أنا كإنسان *** فيها بقى دوائي
وأنا ح هزم الأحزان *** فجرى الجميل جاني
*****************
سلام يا أهلي وحبايبي *** عمري ما نساكم
فرض على الرحيل *** وجنتي معاكم
***************
الشر لحظة عمي *** والعقل لحظة نور
الأولى جابت الأذي *** والتانية خير وسرور
***************
باعترف ساعات بلخبط *** أو أتوه في شعور أليم
بس شدة واحدة مني *** بتعدل لمسار سليم
*****************
ف لحظة الصدق *** قول رأيك بكل وضوح
وأوعى اللسان ينفلت *** تبقي ذليل مجروح
***************
رغم إن السكة صعبة *** والطريق قاسي وطويل
ح يجي يوم نكون نجحنا *** وهزمنا المستحيل
*****************
عمرك شفت ف مره الخاين *** آمن مرة لحد معاه
بعد ما قضى على كل أصحابه *** مين فينا تاني يكون وياه
******************
كان أبو لمعة ف مره بيحكي *** بالصنارة اصطاد أرموط
كانت راسه طالعه ف طنطا *** وديله معدي ف نيل أسيوط
***************
كل واحد فينا لازم *** شيء يكون واضح في فكره
إن كل الناس تشوفه *** في مكان ما يحط نفسه
*****************
دلدول في شاشة *** يطبل لكلام سيده
بالأمر ياخد الكلام *** ف دماغنا بيعيده