أعرب الفنان عمرو سعد، عن سعادته بتكريم الكاتب وحيد حامد بمهرجان القاهرة السينمائي لدورته الـ42 من مقر دار الأوبرا المصرية، وذلك عبر حسابه الشخصي بموقع تبادل الصور والفيديوهات الشهير "انستجرام".

ونشر عمرو سعد صورة لـ الكاتب وحيد حامد، وعلق عليها قائلاُ:"تكريمك يا أستاذ تكريم لينا كلنا ولصناعة السينما وللجملة الحلوة اللي اتربينا عليها واتعلمنا منها واخدتنا لسحر الدراما والسينما.. تكريم بيشاور على جزء من التاريخ القوي اللي بيعيش ويلاطم الزمن علشان يوصل لاجيال تانية علشان يثبت إن الصح صح".

وتابع: "الأفضل بيستمر مهما كانت الظروف وتعلمنا ان النجاح مش بالزفة الكدابة والدوشة والاستعراض او حتى عدد المتابعين او شباك تذاكر بس او ترند يروح ويجي غيره، لأن الفن مش صفحة حوادث ومش شكل من الخارج ومن جوة فاضي الفن شقا وشغل وجهد وصنعة وتجربة وفكر وعلم الفن شرف ومسؤلية تغير وامتاع وبقاء وتأثير مش مولد يغلب فيه اللي صوته اعلى وفي الاخر المولد بينفض ولا حتى منافسة هبلة وصراع عبيط الفن ثروة كبيرة قوي ومسؤلية كبيرة قوي".

واختتم رسالته: "ربنا يديلك الصحة وطولة العمر يا استاذ انت واللي زيك ومبروووك لينا تكريمك".

وشهد حفل افتتاح الدور الـ42 لمهرجان القاهرة السينمائي، أمس الأربعاء، تكريم الكاتب الكبير وحيد حامد بجائزة الهرم الذهبي لإنجاز العمر، وهي الجائزة نفسها الذي يمنحها المهرجان للكاتب والمخرج البريطاني كريستوفر هامبتون، كما تكرم أيضا الفنانة منى زكي بجائزة فاتن حمامة للتميز.