لم تكن تعلم سماح كامل " ربة منزل 35 سنة " ان أكلة سمك سوف تمنعها من شراء السمك باقي حياتها والسبب كما تقول لـ " الهلال اليوم " : أنا اشتريت سمك من أحد البائعين وروحت البيت وانا بنضف السمك مكنتش طايقة ريحته، ريحته كانت بشعة جدا رغم إنى غسلته أكثر من مرة وأنا مكنتش عارفة سبب الرائحة الكريهة دى حتى بعد طبخه الريحة كانت اسوأ وانا مكنتش متخيلة ان الريحة دى من السمك “.

و أضافت ان ابنها البالغ من العمر 10 سنوات تعرض لوعكة صحية جراء تذوقه قطعة من السمك.

سمك المجاري والمستهلك:

لم تكن سماح الوحيدة التي تعرضت لهذا الموقف حيث قالت لبنى احمد:” انا اشتريت سمك واول ما فتحت الشنطة شميت اسوأ رائحة ممكن تتخيلها و مقدرتش حتى أطلعه من الشنطة و رميته كله و حسبي الله و نعم الوكيل فى الناس اللي بتستحل انها تبيع حاجات فاسدة للناس”.

اضافت لمياء علي 44 سنة ربة منزل:” انا بشتري سمك من واحد بس لأن ده اللي بثق فيه والسمك بتاعه كويس لأنه عنده ضمير والناس اللي بتبيع السمك اللي بيصطادوه من المجاري ربنا وحده اللي هيحاسبهم”.

و أضافت :” ايه ذنب طفل انه يتعرض للأمراض و التلوث بسبب ناس معندهاش ضمير “.

بالفعل أثبتت أبحاث بعض الأطباء خطورة أسماك الصرف الصحي على صحة الاشخاص لما تصيبه من أمراض وتكون سببا فى تفشي مرض السرطان فى المجتمع، وهناك حالات كثيرة من الأطفال بالأخص تعرضوا للتسمم جراء تناولهم هذا السمك الفاسد وبالتالي تضعف مناعتهم و كونون عرضة لمرض السرطان”.

يقول س-م مالك أحد محلات بيع الأسماك: ( انا براعي ربنا فى شغلي و لازم اللى بيربوا الأسماك فى المجاري يتحاسبوا لأنهم كده بيضروا ناس كتير جدا مش شخص واحد وياريت يبقى فيه رقابة اكتر على المزارع السمكية، لأن الناس دلوقتى بتخاف تشتري سمك من اللي بيحصل ).

رأي الدين:

أما عن رأي الدين فى تناول اسماك الصرف الصحي فصرحت لجنة الإفتاء الذي السمك الذي يعيش في المياه الملوثة له حالتان:
أولا: إذا تغير ماء السيل بالنجاسة، ثم أثر في السمك حتى غير طعم لحمه أو ريحه أو لونه؛ فالأصح في مذهبنا كراهة أكل هذا السمك حتى يُنقل إلى الماء الطاهر فيذهب عنه أثر النجاسة؛ فقد نهى النبي صلى الله عليه وسلم عن (أكل الجلالة) رواه أبوداود. والجلالة: كل حيوان يأكل الجلة - أي النجاسة - حتى يتغير وصفه.
جاء في "مغني المحتاج شرح المنهاج": "إذا ظهر تغير لحم جلالة من نعم أو غيره كدجاج, ولو يسيرا حرم أكله، وبه قال الإمام أحمد، لأنها صارت من الخبائث, وقد صح النهي عن أكلها وشرب لبنها وركوبها كما قاله أبو داود وغيره... - وقال النووي -: الأصح يكره؛ لأن النهي إنما هو لتغير اللحم, وهو لا يوجب التحريم، كما لو نتن اللحم المذكى وَتَرَوَّحَ؛ فإنه يكره أكله على الصحيح" "مغني المحتاج" .
ثانيا: أما إذا لم يؤثر الماء النجس في الأسماك التي تعيش فيه، فلا حرج في أكله؛ إذ الأصل فيه الإباحة، ولكن بشرط أن يؤمن ضرره على صحة الإنسان، فالدراسات العلمية تنذر بالخطر الذي تحمله الأسماك الملوثة بسبب ما تحمله من الطفيليات والبكتيريا الخطيرة على صحة الإنسان، والنبي صلى الله عليه وسلم يقول: (لا ضرر ولا ضرار) رواه ابن ماجة.

يقول احد تجار الاسماك رفض ذكر اسمه: “معظم الأسماك المتداولة للبيع من المزارع وهي في الأصل سمك مجارى هما بيربوها فى مياه الصرف الصحي عشان يوفروا فى السماد بتاعهم ومفيش تاجر هيقولك ان ده سمك مجارى عشان هيخاف على اكل عيشه و بعدين مجتش ع السمك يعنى ما كل حاجه بتتسقى بمياه مجارى احنا بنشتري السمك ده من المزارع المفروض يحاسبوا اصحاب المزارع مش احنا” .