هاجمت فاطمة، شقيقة الفنان احمد السقا، الفنانة مها أحمد، بعدما هاجمت الفنان الكبير ووصفته بـ"الندل"، وذلك في تعليقها على أزمة إيقاف الشركة المتحدة للتعامل مع المخرج محمد سامي، على خلفية الانتقادات التي تم توجيهها لمسلسل "نسل الأغراب".

وقالت فاطمة السقا عبر صفحتها على فيس بوك في حديثها إلى مها أحمد :" الكلام ده موجه ليكى يا أستاذة بدل ما تفضلى تمسحى ردى كل شوية، ابهرتينى يا مها بأخلاقك العالية .. وبانك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه "ندل" اللى هو احمد السقا".

وأضافت :" بس أنا بقولك قدام الناس قطع لسان اى حد يقول عليه كده لانه راجل أكرمك ووقف جنبك إنتى ومجدى بدل المرة ألف.. .. وامير كراره بردو راجل جدع ومحترم للى ما يعرفهوش فى البوست بتاعك ده.. معرفش إيه الفرص اللى كانت عندك اللى كان يتمنى يشتغل معاكى فيها زمان بس هو أى حد يتمنى يشتغل معاه دلوقتى أكيد .. وكلمة الدور بينادى صاحبه دى بتاعة أفلام .. ما بتتقالش فى الحقيقة .. كفايا دراما وتشويه للناس".

وأضافت: بعدين هما كممثلين مش مطالبين يقفو جنبك ولا يجيبولك ادوار على فكرة.. دى رؤية مخرج وناس بتوع كاستنج.. الحقيقة انا مش عارفة انتى عايزة ايه ..انا مش شايفة بعد العشرة الطويلة اللى انتى قولتى عليها غير كمية الحقد والسواد والشماتة اللى كانو متداريين ورا ابتسامة كدابة معرفش انتى ازاى كنتى بتدخلى بيوتنا الصراحة وانتى ست وحشة كده.

واختتمت السقا: نسيت اقولك السب والتطاول ده بيدل على الأصل.. واحنا بقى ولاد ناس مع اننا عندنا كلام كتير اوى يتقال.