حرص المخرج مجدي الهواري، على دعم النجم أحمد السقا، بعد الهجوم العنيف الذي شنّته ضده الفنانة مها أحمد.

وكتب الهواري عبر صفحته الرسمية على فيس بوك :"أشهد يابني والله انك راجل وكبير، بتستحمل وتعدي طول عمرك صاحب صحبك وعمرك مايفوتك واجب، أصيل ونضيف ومالكش في العك، طول عمرك محترم وبتفهم في الصح، ميطلعش منك العيبة وخصوصاً لو كان في حق ست".

وأضاف: "بتعرف تميز وتسكت وتفوت. .يجيلك حقك من صحابك.. قول من مين !! عد ! العشرة القديمة خط أحمر .. حتى لو خسرت ميت حق ! بس ساعة الجد فاهم أصول شغلك وتحترم الصغير قبل الكبير، متربي وأهل بيتك ناس أكابر.. ابن بلد وجدع من صغرك وأنت  كبير، ولو في يوم حد زعلك، أو جه عليك ، بتعدي وتعمل حساب عيش وملح السنين، متسبش حقك بالاصول، يامجدع والكل عارف، سايبها علي الله . يابني والكل فاهم".

وواصل الهواري : يا معلم اللي زيك مفيش دلوقتي منه كتير . فاهمك وحاسس بك ياعم ابو ياسين، معلش فوت كمان المرة ديه، بوست في حق احمد السقا".

وشنّت مها أحمد هجوما قاسيا، على أحمد السقا، وأمير كرارة، بعد قرار وقف التعامل مع المؤلف والمخرج محمد سامي، من قبل الشركة المتحدة للإنتاج، في أعقاب السقوط الكبير لمسلسل "نسل الآغراب"، وكتبت في منشور لها عبر صفحتها الشخصية بفيسبوك: "عوضي على الله دي الجملة اللي دايما بقولها لما اتصدم فأشخاص، الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم على قفاهم وركبت عليهم، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أي زميلة لهم أقربها أنا".