حرص الفنان مصطفى درويش، على التعليق على أزمة هجوم الفنانة مها أحمد على النجمين أحمد السقا وأمير كرارة.

وقال درويش عبر صفحته على موقع فيس بوك :"طبعا أنا ضد كلام مها أحمد جمله وتفصيلا بس ملاحظ إن كله بقي بينزل صور للسقا وكرارة ودعم وكده طبعا السقا وكراره دول أرجل خلق الله ومحدش في الوسط يختلف عليهم اللي يعرفهم واللي ما يعرفهمش، بس التمسوا العذر لواحدة قاعدة في البيت مش بتشتغل وسيبك من ماديات وحال واقف ومصاريف وكده، لا الشغل نفسه للممثل زي السمكة في المايه، لما بيبعد عن الكاميرا التنفس بيروح .. ممكن يموت".

وأضاف :" بلاش نخلص علي بعض علشان كلمة أو بوست اتقال.. اه غلط ومش حلو.. وكل حاجه بس اختنا وفضفضت الدنيا متقومش وكله ياخد صف السقا وكراره ويدوس عليها، نتقي الله في بعض علشان في يوم ممكن أي حد يكون مكانها، ومش عارف يشتغل والدنيا تضيق بيه حتي من أقرب الناس ليه ".

وتابعت :"وانا والله ما ليا علاقه لا بأحمد ولا كراره ولا اعرف مها، بس انا من جمهورهم، وانا متأكد ان السقا وكراره نفسهم ملتمسين لها العذر علشان هما رجاله وأخلاق وبيفهموا، اعملو حساب الزمن يا جماعه، كفايه سلخ في مها أحمد  قدرو الظروف شويه، والنبي مش عايز خناق في البوست. ده مع حد في كومنتات والنبي ما تتعبوني دي وجهه نظري مش أكتر".

وشنّت مها أحمد هجوما قاسيا، على أحمد السقا، وأمير كرارة، بعد قرار وقف التعامل مع المؤلف والمخرج محمد سامي، من قبل الشركة المتحدة للإنتاج، في أعقاب السقوط الكبير لمسلسل "نسل الآغراب"، وكتبت في منشور لها عبر صفحتها الشخصية بفيسبوك: "عوضي على الله دي الجملة اللي دايما بقولها لما اتصدم فأشخاص، الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم على قفاهم وركبت عليهم، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أي زميلة لهم أقربها أنا".