طلب الإعلامي يوسف الحسيني، من رواد مواقع التواصل الاجتماعي إطلاق هاشتاج "جابر_الخواطر"، وذلك بعد اهتمام الرئيس عبد الفتاح السيسي بالحالة الصحية للفنان شريف دسوقي.

وخلال تقديمه حلقة اليوم من برنامج "التاسعة" على القناة الأولى المصرية، قال يوسف الحسيني: "دي مش أول مرة بالمناسبة الرئيس يتابع أو يهتم بصحة مواطن أو فنان أو صحفي وهكذا.. لو تفتكروا الراجل بياع الفاكهة، لما الرئيس وقف وشافه وهو بيبيع فاكهة فكان عاوز يشتري منه حاجات، وبعدين خد باله إن الراجل رجله فيها مشكلة، فقاله إنت رجلك فيها إيه وتابع حالته الصحية، واهتم جدا بإن الراجل يحصل على خدمة صحية متميزة جدا. دايما الرئيس في أكتر من مناسبة، ومن غير مناسبة، وهو ماشي صدفة، تلاقي الرئيس طول الوقت بيعمل عملية جبر الخواطر."

وأضاف: "أنا صحيح مليش في السوشيال ميديا ببصلة ومبحبهاش، لكن النهاردة تعالى نفكر إن إحنا نعمل شيء إيجابي لطيف على السوشيال ميديا. نسميها هاشتاج جابر_الخواطر، هيبقى لطيف، فهّم الناس وشارك مع الناس أد إيه إن إنت عندك فعلا مسألة إنسانية حقيقية، وجانب كبير جدا من ذهن الرئيس يفكر بشكل إنساني."