نشرت أسما ابنة النجم شريف منير، صورة جديدة على صفحتها بموقع "فيسبوك"، ظهرت فيها بصحبة طليقها الأول، والد ابنتها لارا، مؤكدة أنهما أصبحا صديقين، وحافظا على العلاقات الجيدة بينهما، من أجل ابنتهما، كما أنهما متعادان على التنزه مع طفلتهما بين الحين والآخر.

وعلقت أسما على الصور بقولها: "موضوع النهارده هو أني أنا وأبو بنتي قررنا ننزل نخرج، عشان لارا كان بقالها كتيييييير مشافتناش في مكان واحد مع بعض، مشافتناش في كادر واحد مع بعض، ولأ إحنا مش هنرجع لبعض، ولا بنفكر خالص في كده، لأن إحنا دلوقتي في وضع أحسن بكتير، يعني لما كنا مع بعض قررنا إننا منكملش، لكن دلوقتي هنفضل في حياة بعض لآخر يوم في عمرنا، عشان لارا هتفضل ربطانا لآخر العمر".

وأضافت : "بنحترم بعض وعملنا معادلة من أصعب المعادلات في الدنيا، وأنا فخوره بينا جدا، بلاش محاكم، بلاش نقول كلام وحش لأولادنا عن بعض من كتر الغيظ، بلاش أب يقابل بنته في نادي بوقت، والله العظيم كله بيخسر، وأولهم أولادنا إللي ملهمش ذنب في اختلافنا، التحضر في الموقف ده بيحافظ على نفسية الطفل".