تداول عدد من النشطاء على موقع التواصل الاجتماعي فيس بوك، منشور يتحدث عن مميزات الفتاة المنتقبة، أثار جدلًا واسعًا بين مستخدمي الموقع، الذين اعتبروا أن المنشور يهين غير المنتقبات ويصوّرهن بشكل عدم الالتزام الأخلاقي.

وقال المنشور :" عارف يعني ايه تتجوز واحدة منتقبه ، بص بقا اليك الآتي، يعني بتاعتك انت بس، يعني هتكشف نفسها قدامك انت بس، يعني هتتخلي عن حته منها (النقاب) وتشيله لمجرد انك عايز تشوفها ف الحلال، يعني هتكونو ماشين ف الشارع محدش عارف شكلها غيرك انت بس،  مش هتكلم ولا تختلط باي راجل غيرك انت بس ، يعني هتخليك وسط الناس انت الراجل بتاعها وبس، يعني محدش هيقدر يلمس ايديها لمجرد سلام غيرك انت بس، يعني في البيت كإنها في المصيف وبرا البيت كأنها في المسجد ، يعني محدش هيقدر، يعاكسها وهي خارجه وهتبقا مطمن عليها، من الاخر هي بتاعتك انت بس، المنقبات ملكات ".

وانتقد عدد من مستخدمي فيس بوك، حصر صفات الالتزام والاحترام والاكتفاء برجل واحد على المنتقبات فقط دون غيرهن ما يعتبر إهانة لأي فتاة غير منتقبة.

وقالت إحدى المٌعلّقات :"الكلام حلو وكل حاجه بس البنت المحترمه مش شرط تكون منتقبه برغم اني منتقبه بس ممكن اللي محجبه طرحه أو خمار عند ربنا احسن مني الله اعلم +البنت المحترمه فعلا هتشيل زوجها في عينيها وبالمثل الزوج هيعملها ملكه تتوج بلاش البوستات اللي ممكن تكره الناس في النقاب".

وقالت أخرى: "واللي مش منتقبه بقي بتاعه كل الناس وبتخلي جوزها قدام الناس مش راجل ربنا يشفي والله"، وتابعت ثالثة :" والغير منتقبه بقا بتستبيح نفسها لكل الرجاله !!!ولا مثلا الراجل المتزوج من غير منتقبه مراته مبتعتبروش هو لوحده اللي راجلها ؟! هو انتو ليه عشان تمجدوا ففصيل معين تشوهوا باقي الناس ماشي النقاب حلو وكل حاجه بس العبره بأخلاق الست مش هي لابسه نقاب ولا حجاب".