أثار الإعلامي شريف مدكور، حالة من الجدل على مواقع التواصل الاجتماعي، بعدما كتب منشورًا تحدث فيه عن رفضع لفكرة الاقتراض، ما جعل البعض يتهمه بالتعالي.

وقال مدكور عبر صفحته على فيس بوك: "صباح الخير يا ريت محدش يبعت يطلب مني إنه يستلف فلوس علشان أنا ضد الموضوع ده أنا عارف إن الحياة صعبه بس على قد لحافك مد رجليك  شكراً".

وتنوعت التعليقات على المنشور، حيث قال أحد المتابعين: "جبر الخواطر على الله"، وقال آخر: "و الله عندك حق يا شريف، فى ناس الموضوع ده عندها مافيش فيه أى مشكلة، بيستلفوا بمنتهى البساطة، والأعجب أنهم بيستلفوا علشان أمور رفاهية مش علشان متطلبات خطيرة، و الأعجب أكتر أنهم عندهم من البجاحة أنهم ما يردوش اللى استلفوه، فى الغالب الناس دى بيكونوا أشخاص عايزين يعيشوا أنطاع و عالة على غيرهم، مش عاوزين يسعوا على رزقهم، استسهلوا طريق النطاعة نتيجة سوء تربية الأهل أو لأن الأهل أصلآ زيهم كده، عايشين على كتاف غيرهم وباصين لغيرهم فى نعمة ربنا عليهم".