نشر الفنان أحمد سعد، صورة جديدة مع الداعية الإسلامي مصطفى حسني، منتقدا التعليقات التي هاجمته الأسبوع الماضي بسبب صورة مماثلة نشرها عبر حساباته على السوشيال ميديا.

وقال أحمد عبر حسابه الرسمي على موقع التواصل الاجتماعي فيس بوك :"الجمعة اللي فاتت قابلت الشيخ مصطفى حسني بعد صلاة الجمعة واتصورنا مع بعض ونزلت الصورة ، حكم الناس وتعليقاتهم كان هجومي جدا وكأن الجنة والنار اجتمعوا مع بعض في صورة واحده !".

وأضاف :"قد ايه فرحني الشيخ مصطفى حسني لما قابلته الجمعة دي كمان وسألته اوعى تكون التعليقات ضايقتك ولو حابب اشيلها ، قالي ازاي بتقول كده ! انت صحبي وحبيبي ويلا ناخد صورة كمان! بيفرق اوي ان يكون في ايدك تكتب تعليق يجرح و يضايق حد وانك يكون في ايدك كلمه حلوة تفرح بيها حد حتى لو مختلف عنك".

وواصل سعد :"شكراً يا شيخ مصطفى حسني على انفتاحك وتقبلك للآخرين زي ماهم وده دليل كبير اوي انك حقيقي وان المواعظ والمحبه اللي بتتكلم عنهم في خطبك حقيقي مش كلام بس ، وياريت كلنا نتعلم نتقبل الآخرين او على الأقل مانجرحش فيهم لمجرد اختلافنا عنهم وان علاقتنا بربنا شيء خاص جداً".

وقدم الفنان أحمد سعد آخر أعماله في السينما من خلال فيلم “على وضعك” من تأليف سيد السبكي، وإخراج سارة وفيق.

وفيلم “على وضعك” بطولة عدد من الفنانين على رأسهم، أحمد سعد، مصطفى أبو سريع، حسن عبد الفتاح، لطفي لبيب، نسرين أمين، رانيا ملاح، محمد الأطوني، سامي مغاوري، أيمن قنديل، وعدد آخر من الفنانين.