ردت الفنانة نشوى مصطفى على أحد منتقديها بصورة سببت جدلًا واسعًا بين رواد موقع التواصل الاجتماعي فيسبوك، حيث سخرت من زيادة وزنه، بعدما هاجمها وطالبها بمساعدة الغارمات من أموالها وأموال الفنانين بدلا من حث البسطاء على التبرع لهن.
البداية، كانت حينما نشرت مقطع فيديو حثّت فيه متابعها على فيسبوك على مساعدة الغارمات، ليرد عليها شخص يدعى "أبو لارا" مهاجمًا بقوله :"لمي انتي وصحابك الممثلين وساعدوهم مش بتاخدو ملايين علي قلبكم اد كده وسيبي الناس الغلابه في حالها اللي بتكمل عشاها نوم".
وهنا ردّت عليه نشوى بقولها :"قبل ما اعمل لك بلوك احب اقول لك احنا وحشين — اشرار ياسيدى — بناخد ملايين وبنحوشهم — وانا باقول للناس اتبرعوا واتصدقوا واعملوا خير علشان ياخدوا ثواب وربنا يرضى عنهم وفلوسهم تخلص وانا واصحابى ملاينا ماتخلصش — ايه رأيك تسمع كلامى وتتصدق انشالله بجنيه وتسيبنا احنا نحوش ونروح النار ".
وأضافت :"استكمالاً لكلامى انا ماكونتش دخلت بروفايلك ولما شفتك الحقيقة مش ممكن اصدق ان حد بحجمك ممكن يكون بيكمل عشاه نوم — اومال لو كنت بتتعشى عشا كامل كنت بقيت ايه ؟؟ فيل".
وردت إحدى المتابعيات على الفنانة بقولها :"استاذه نشوي مع حبي واحترامي مش مصدقه ان دا ردك علي انسان بيعلق او بيقول رايه. اغلب البيوت فعلا مش لاقيه ملابس ولا عندها جنيه تروح تتبرع بيه اغلب الناس بتشتري كيلو اللحمه العيال تاكل والابداع الام بيحرم نفسه وفي نفس الوقت فعلا بتطلع ناس من الفنانين بيركبو عربيات مرصعه دهب ودولارات تترمي فعلا ميصحش تقوليلي اعملك بلوك وصفحتي ومش صفحتي احنا بنحبك وموجودين عندك كاننا في بيتك يعني ميصحش تطردي حد من بيتك والاختلاف في الراي لا يفسد الود قضيه مش خوف ولا تهديد بالطرد. انتي طالعه لوجه الله. يبقا تتحملي خلق الله يا استاذه".
