ماسبيرو خط احمر الهاشتاج الذي اطلقة العاملين بماسبيرو ردا علي هجوم عمرو اديب في برنامجة .كل يوم .علي قناة onTV والذي طالب فية بتسريح عاملين ماسبيرو  معللا انة عالة علي الدولة ويتقترض 220 مليون جنية شهري من ميزانية الدولة دون فائدة لعدم تاثيرة في المجتمع المصري وهو الامر الذي جعل العاملين بالتلفزيون يثورون علية في صفحاتهم الشخصية  علي مواقع التواصل الاجتماعي  دفاعا عن ماسبيرو البداية كانت مع   هناء عصام المذيعة بالفضائية المصرية  حيث علقت علي صفحتها الشخصية رداعلي عمرو اديب .....ماشي يا استاذعمرو هنستقيل ونروح نفتح اكشاك علي ناصية بيتكوا نبيع بسكوت وحاجة ساقعة للمدام وهي راجعة من مدينة الانتاج الاعلامي بعد ماتنتج وتتعب وتدفع بعجلة التنمية مشيرة هنروح بيوتنا ونقعد علي الكتب والكراسي لان مفيش اساسا مكان تاني نروحلة بعد مانمشي بس ماتنساش وحياة ابوك وانت بتدعي ومقهور اوي علي الشعب المصري الغلبان اللي سفحنا فلوسة في جيوبنا انك تدعي للي مش هايقدر حتي يتعالج لما تقفلها وتشرد الاف الناس ..واكملت ممكن واحنا ماشين تدونا صحتنا اللي راحت واللي استخسرتوا فيها حتي ثمن العلاج لما حد فينا بيقع بعد ما ضحكتوا علينا سنين بحاجة اسمها تامين صحي كنا بندفعة من جيوبنا كل شهر واختتمت تدوينتها قائلة خدو فلوس التلفزيون ومكتبتة وتاريخة وامكانياتة واعملوا صالة بلياردو يمكن يزود الدخل القومي ...اما سامية شلبي المخرجة بالقناة الاولي عرضت علي صفحتها الشخصية مقطع من حوار عمرو اديب يتحدث فية عن الرئيس المخلوع حسني مبارك  وكتبت علية فضيحة المنافق عمرو اديب مع الرئيس محمد حسني مبارك حيث قال عمرو ان الرئيس مبارك لم يسجن صحفي في عهدة ...كما كتبت لمياء سمير مخرجة بالفضائية المصرية علي صفحتها الشخصية ..ماسبيرو لا حيطة مايلة ولا عينة مكسورة احنا عيوبنا ومشاكلنا هي نسخة طبق الاصل من اللي موجود في كل ركن من اركان المحروسة والفرق بينا وبين اللي نفسة يكسرنا اننا لينا جذور واصل وتاريخ مش نبت شيطاني اضعف ريح تطيرة يا ما قنوات اتفتحت ومكملتش او قالت قرب قرب وبعدين لقناها فنكوش الوحيد اللي صامد رغم العواصف ماسبيرو وهايرجع تاني  لانة حتة من قلب الوطن رغم اطماع المنتفعين كما علل المخرج حسن الجوهري  علي صفحتة .للاسف الشديد كان يطلق علينا هوليود الشرق بفضل عظمة وبراعة  اعلامنا عندما كان لدينا اعلامين نجوم  امثال سلوي حجازي واماني ناشد وليلي رستم وهمت مصطفي وللاسف لم نستطيع تصدر الريادة باعلام  السبوبة وانصاف بلطجية مقدمي المشاكل  واخيرا اختتم تدوينتة اذا سألت عن الاعلام المصري قول ما يجوز علي الميت  غير الرحمة كما علق كامل عبد الفتاح المذيع بالقناة الاولي  عمرو اديل يامن دمية من دمي الفساد في البد كثير يقول انا كنت ضد مبارك وزوجتة مع مبارك وكلها تجارة رخيصة مصر بتدفع ثمنهاللاسف ..كما عبرت عبير ابو طالب المذيعة بالفضائية المصرية .خلاصة الكلام وهبقي افكركم كل اللي ييجي علي ماسبيرو مبيكسبش لعنة ماسبيرو لها تاريخ هو في دولة من غير شرطة ولا جيش ولا اعلام ..وكذلك عبد الله يسري المذيع بقطاع الاخبار ردا علي عمرو اديب علي صفحتة الشخصية لمن يدير ملف الاعلام المصري في مصر العيب مش عليك يا عمرو اديب لا انت ولا كل اللي بيهاجموا ماسبيرو لان انت وغيرك بيحركم  القرش والامر لا خايفين علي حق مواطن ولا تفهموا في امن قومي لوطن ولا تعرفوا ظروف المواطن الحقيقية .اكلة وشربة وعلاجة خليكوا في الملايين وقعدة الكافيهات مع الشلة اياها الحق علي اللي عارف الدواء وما صرفهوش  وكذلك سارة الهلالي المذيع بالقناة الثانية  دونت الكل يرقص  علي جثة ماسبيرو ولا عزاء للمخلصين وايضا اميمة تمام مذيعة قطاع الاخبار دونت علي صفحتها الشخصية علي الفيس بوك ردا علي  ما اطلقة  عمرو اديب  في برنامجة كل يوم  الاعلاميين الحقيقيين الذين شيدوا ونجحوا اي قناة خاصة هم من خريجي ماسبيرو المدرسة الحقيقية والتاريخ المشرف للاعلام العربي  وعجبي ماسبيرو اعلام الشعب اما نجوي الشيمي المخرجة بالفضائية المصرية كتبت علي صفحتها ماسبيرو اتبني بفلوس مصرية حرة اصيلة مش بفلوس مخدرات ودعارة وغسيل اموال وناس مشكوك فيهم والكلام اللي كل يوم بيطلع  من الدخلاء علي المهنة لا هي هتعبكم ولا هاتنقصنا والمصريين عارفين كويس قوي مين الكبير ومين اللي موجهة ولصالح مين وفي النهاية اختتم مصطفي عبد الوهاب نائب رئيس قطاع القنوات الاقليمية  علي صفحتة حيث قال ابناء ماسبيرو انتم اقوي مما تتخيلون وصوتكم واصل لابعد مما تتوقعون وسوف يخييب الله كل الظنون وافضل ما كنتم سوف تعودون  ويبدو ان   الحرب الفيساوية التي استخدمها ابناء ماسبيرو   اصبحت اسرع طريقة    للدفاع عن هذا المبني الذي تعلقت بة امال وطموحات هذا الشعب العظيم