أجابت الفنانة صابرين، إنها عندما ارتدت الحجاب ارتدته عن إيمان شديد، مضيفة: "كنت في لحظات لخبطة وخاصة بعد مسلسل أم كلثوم حصل نجاح كبير وإستقبالات في العالم وأوسمة متعددة"

وأضافت في تصريحها: "جات لي حالة عزوف وقتها  وكان عندي إنفصال   فلخبطة خلتني أقعد في البيت لكن عن إيمان وإن الواحد بيحب يعمل الي عايزه بصدق ".

وقالت: "لما قررت خلع الحجاب مجددًا شعرت إن ده مش صح أوي ولا الي قبله كان صح برضه أوي وسالت نفسي ليه أكون بثلاث وشوش أو بوشين؟!"

وردت على إنتقادات الهجوم وقت إرتداء الباروكة قائلة: "قلت لنفسي مع الهجوم والانتقادات وتعليق الشماعات ؟ ليه أخلي الباب متوارب لزي كده "

وقالت سألت نفسي ليه هكسب العالم وأخسر نفسي  مش صح لازم أكسب نفسي ولقيت نفسي حابة نفسي دلوقتي أكتر وشكلي مش " فيك "  فيه تصالح  ورضا .. العلاقة بيني وبين  ربنا حاجة خاصة  جداً دي علاقة في السر وهي أسمى العلاقات"

ووجهت رسالة لمنتقدي خلع الحجاب قائلة: "اللي هينزل معايا القبر ويتحاسب يحاسبني .. فيه ناس بتدخل على السوشيال ميديا يوجهولي رسائل من نوعية : بحبك في الله وانا بتقبل ده لكن فيه شريحة تانية   شغالة  بهدلة وتهزيء ودول لجان".